പെണ്‍കുട്ടി ജനനേന്ദ്രിയം മുറിച്ചുമാറ്റിയ സംഭവത്തില്‍ വിവാദ സ്വാമി ഗംഗേശാനന്ദയെ തീര്‍ഥപാദരുമായി ബന്ധമില്ലെന്ന്
ബിജെപി വ്യക്തമാക്കിയിരുന്നു. കാഷായം ധരിച്ചവരെല്ലാം കുമ്മനത്തിന്റെ അടുപ്പക്കാരാണെന്ന ആരോപണം അപഹാസ്യമാണെന്നും ബിജെപി നേതാവ് കെ സുരേന്ദ്രനും പറഞ്ഞിരുന്നു.

വിവാദ സ്വാമിയെ സഹായിക്കാന്‍ രണ്ടു സ്വാമിമാരാണ് ആശുപത്രിയില്‍ കഴിയുന്നത്. ഇവരെ നിയോഗിച്ചതാവട്ടെ ആര്‍എസ്എസും. ആശുപത്രിയില്‍ കഴിയുന്ന സ്വാമി ഗരുഡധ്വജാനന്ദ, സ്വാമി രാധാകൃഷ്ണ ചൈതന്യയും സംഘപരിവാറുമായി അടുപ്പം പുലര്‍ത്തുന്നവരാണ്. സ്വാമി ഗംഗേശാനന്ദയുടെ ചികില്‍സാ സൗകര്യങ്ങളും കേസും കൈകാര്യം ചെയ്യാനാണ് രണ്ടു സ്വാമിമാരെയും ആര്‍എസ്എസ് നിയോഗിച്ചിരിക്കുന്നത്.

സ്വാമി റിമാന്‍ഡിലായതിനാല്‍ രണ്ടു പേര്‍ക്കും സാഹായിക്കുന്നതില്‍ നിയന്ത്രണങ്ങളുണ്ട്. ചികിത്സ കഴിയുന്നതു വരെ ആശുപത്രി പരിസരത്ത് തുടരാനാണ് രണ്ടു പേരോടും ആര്‍എസ്എസ് ആവശ്യപ്പെട്ടിരിക്കുന്നതത്രേ.

കേസില്‍ സ്വാമിയെ സഹായിക്കാനും ജാമ്യത്തിനിനുവേണ്ടി ഹൈക്കോടതിയെ സമീപിക്കാനും കൊച്ചിയിലുള്ള മറ്റൊരു സ്വാമിയെയും ആര്‍എസ്എസ് നിയോഗിച്ചിട്ടുണ്ട്.