നാദിര്‍ഷയെ ഉടന്‍ അറസ്റ്റ് ചെയ്‌തേക്കും ? പള്‍സര്‍ സുനിയുടെ ‘മാഡം’ മൊഴി ദിലീപിനെ രക്ഷിക്കാനുള്ള തന്ത്രം: ചുരുളഴിച്ച് പൊലീസ്

നാദിര്‍ഷയെ ഉടന്‍ അറസ്റ്റ് ചെയ്‌തേക്കുമെന്ന് സൂചന

കൊച്ചി| സജിത്ത്| Last Modified വ്യാഴം, 3 ഓഗസ്റ്റ് 2017 (11:03 IST)
കൊച്ചിയില്‍ നടിയെ തട്ടിക്കൊണ്ടുപോയി ആക്രമിച്ച കേസില്‍ സംവിധായകന്‍ നാദിര്‍ഷയെ ഉടന്‍ അറസ്റ്റ് ചെയ്‌തേക്കുമെന്നാണ് സൂചന. പരസ്പരവിരുദ്ധമായ മൊഴികളാണ് ദിലീപിന്റെ മാനേജര്‍ അപ്പുണ്ണിയും നാദിര്‍ഷയും നല്‍കിയത്. ഇതേതുടര്‍ന്നാണ് നാദിര്‍ഷയെ വീണ്ടും ചോദ്യം ചെയ്യുന്നതെന്നും വേണ്ടിവന്നാല്‍ അറസ്റ്റ് ചെയ്തേക്കുമെന്നുള്ള വിവരം പുറത്തു വരുന്നത്. കൂടാതെ കേസിലെ സുപ്രധാന തെളിവായ മൊബൈല്‍ ഫോണ്‍ നശിപ്പിച്ചതിലടക്കം നാദിര്‍ഷയ്ക്ക് പങ്കുണ്ടെന്നും പൊലീസ് സംശയിക്കുന്നുണ്ട്.

അതേസമയം, ‘മാഡ’മാണ് ക്വട്ടേഷനു പിന്നിലെന്ന് നടിയോട് പറഞ്ഞത് ദിലീപിനെ രക്ഷിക്കാനാണെന്ന് മുഖ്യ പ്രതി സുനില്‍ കുമാര്‍ പൊലീസിനോട് സമ്മതിച്ചതായാണ് പുറത്തുവരുന്ന വിവരം. ദിലീപും ആക്രമിക്കപ്പെട്ട നടിയും തമ്മില്‍ പല പ്രശ്നങ്ങളും നിലനില്‍ക്കുന്നതിനാല്‍ തന്നെ ആക്രമണത്തിന് പിന്നില്‍ ദിലീപ് ആണെന്ന് സംശയിക്കപ്പെടാനുള്ള സാധ്യത കൂടുതലാണ്. ഈ സംശയം ഇല്ലാതാക്കാനാണ് സുനില്‍ കുമാര്‍ ഇത്തരത്തില്‍ ചെയ്തതെന്നാണ് പൊലീസില്‍ നിന്നും ലഭിക്കുന്ന റിപ്പോര്‍ട്ടുകള്‍ വ്യക്തമാക്കുന്നത്.

കേസുമായി ബന്ധപ്പെട്ട് കൂടുതല്‍ പേരെ ഇപ്പോളും ചോദ്യംചെയ്തുകൊണ്ടിരിക്കുകയാണ്. പലരെയും അങ്ങോട്ടുചെന്ന് കണ്ടാണ് ചോദ്യംചെയ്യുന്നത്. മറ്റുചിലരെ രഹസ്യമായി കണ്ടും ഫോണിലും ചോദ്യംചെയ്യുന്നുണ്ട്. ദിലീപിന്റെ സുഹൃത്തുക്കള്‍, ബന്ധുക്കള്‍, സിനിമ രംഗത്തെ പ്രമുഖര്‍ തുടങ്ങിയവരെയാണ് ചോദ്യംചെയ്യുന്നത്. കേസുമായി ബന്ധപ്പെട്ട് തെളിവുകളുടെ ശേഖരണമാണ് ഇതിലൂടെ പൊലീസ് നടത്തുന്നത്.



ഇതിനെക്കുറിച്ച് കൂടുതല്‍ വായിക്കുക :