നടി ആക്രമിക്കപ്പെട്ട കേസ്; പി ടി തോമസിന്റേയും അന്‍‌വര്‍ സാദത്തിന്റേയും മൊഴിയെടുക്കും

സംഭവസ്ഥലത്ത് ആദ്യമെത്തിയത് പി ടി തോമസ് ആയിരുന്നു

aparna| Last Modified തിങ്കള്‍, 17 ജൂലൈ 2017 (08:35 IST)
കൊച്ചിയില്‍ നടിയെ ആക്രമിച്ച സംഭവത്തില്‍ എംഎല്‍എമാരുടെ മൊഴി പൊലീസ് രേഖപ്പെടുത്തും. തൃക്കാക്കര എംഎല്‍എ പി ടി തോമസ്, ആലുവ എംഎല്‍എ അന്‍വര്‍ സാദത്ത് എന്നിവരില്‍ നിന്നാണ് അന്വേഷണസംഘം മൊഴിയെടുക്കാന്‍ തീരുമാനിച്ചത്.

രാഷ്ട്രപതി തെരഞ്ഞെടുപ്പുമായി ബന്ധപ്പെട്ട് ഇരുവരും ഇന്ന് തിരുവനന്തപുരത്തായതിനാല്‍ അവിടെ എത്തിയായിരിക്കും അന്വേഷണ സംഘം ഇരുവരുടെയും മൊഴി എടുക്കുക എന്നാണ് റിപ്പോര്‍ട്ടുകള്‍ . നടി ആക്രമിക്കപ്പെട്ടതിന് ശേഷം സംഭവസ്ഥലത്ത് ആദ്യമെത്തിയ ആളായിരുന്നു പിടി തോമസ്.

കേസില്‍ പോലീസ് അറസ്റ്റ് ചെയ്യപ്പെട്ട നടന്‍ ദിലീപിന്റെ അടുത്ത സുഹൃത്തെന്ന നിലയിലാണ് ആലുവ എംഎല്‍എ അന്‍വര്‍ സാദത്തിന്റെ മൊഴി പോലീസ് രേഖപ്പെടുത്തുന്നത്. അന്‍വര്‍ സാദത്തിനെതിരെ ദിലീപുമായി ചേര്‍ത്ത് നിരവധി ആരോപണങ്ങള്‍ ഉയര്‍ന്നിരുന്നു. ഇക്കാര്യങ്ങളും പരിശോധിക്കേണ്ടതുണ്ട്. അന്വേഷണ സംഘം രണ്ട് എംഎല്‍എമാര്‍ക്കും നോട്ടീസ് അയച്ചിട്ടുണ്ട്.




ഇതിനെക്കുറിച്ച് കൂടുതല്‍ വായിക്കുക :