കൊച്ചിയില്‍ യുവനടി ആക്രമിക്കപ്പെട്ട സംഭവത്തിലെ ഗൂഢാലോചനയുമായി ബന്ധപ്പെട്ട് റിമാന്‍ഡില്‍ കഴിയുന്ന നടന്‍ ദിലീപിന്റെ ജാമ്യ ഹര്‍ജി കോടതി മൂന്നാം തവണയും തള്ളിയിരുന്നു. ദിലീപിന്റെ ഓണം ഇത്തവണ ജയിലിനുള്ളില്‍ തന്നെയാകും. താരത്തിന് ജാമ്യം കിട്ടുമെന്ന് പ്രതീക്ഷിച്ച കുടുംബത്തിനും ആരാധകര്‍ക്കും കോടതി വിധി നിരാശയാണ് സമ്മാനിച്ചത്.

ദിലീപും കാവ്യയും വിവാഹിതരായതിനു ശേഷമുള്ള ആദ്യത്തെ ഓണമാണിത്. ജനപ്രിയ താരമായ ദിലീപിന്റെ ഒരു സിനിമ റിലീസ് ചെയ്യാത്ത ഓണം കൂടിയാണിത്. ദിലീപിനെ കാണാനുള്ള ത്രാണി കാവ്യയ്ക്കും മകള്‍ മീനാക്ഷിക്കും ഇല്ലെന്നാണ് പുറത്തുവരുന്ന റിപ്പോര്‍ട്ടുകള്‍. ഇത്തവണ ദിലീപ് ജയിലില്‍ കഴിയുമെന്ന് ഉറപ്പായിരിക്കേ, കാവ്യ വിദേശത്തേക്ക് പോകുന്നുവെന്നുള്ള വാര്‍ത്തകളും വരുന്നുണ്ട്.

അതേസമയം, കേരളത്തെ മുഴുവന്‍ ഞെട്ടിച്ചു കൊണ്ട് പള്‍സര്‍ സുനി ഇന്ന് മറ്റൊരു പ്രഖ്യാപനവും നടത്തി. കേസിലെ ‘മാഡം’ കാവ്യയാണെന്ന്. തനിക്ക് പലപ്പോഴായി പണം തന്നിരുന്ന മാഡം കാവ്യയാണെന്നും കാവ്യക്ക് തന്നെ അറിയാമെന്നുമാണ് സുനി മൊഴി നല്‍കിയിരിക്കുന്നത്.