എന്തിനേയും ഏറ്റവും വേഗതയിൽ കൂടുതൽ ആളുകളിലേക്ക് എത്തിക്കുന്നത് ഇപ്പോൾ ട്രോൾ രൂപത്തിലാണ്. ഇങ്ങനെ പ്രച‌രിക്കുന്നതിൽ എത്രത്തോ‌ളം വാസ്തവമുണ്ടെന്ന് ആരും ശ്രദ്ധിക്കാറില്ല. എന്തുകാര്യത്തേയും ട്രോളുന്ന ട്രോ‌ളന്മാർക്കിട്ട് പണികൊടുക്കാൻ ഒരുങ്ങുകയാണ് നടൻ ജോയ് മാത്യു.

തന്റേതല്ലാത്ത പ്രസ്താവന ട്രോൾ രൂപത്തിൽ സമൂഹ മാധ്യമങ്ങളിൽ പ്രചരിപ്പിച്ചവർക്കെതിരെ കേസ് നൽകാനാണ് താരത്തിന്റെ തീരുമാനം. ട്രോ‌ളുകളാകാം പക്ഷേ കളവുകളാകരുതെന്ന് താരം പറയുന്നു. ഇത്തരം വാർത്ത പ്രചരിപ്പിച്ചവർക്കെതിരെ സൈബർ സെല്ലിൽ പരാതി കൊടുക്കുകയാണെന്നും ജോയ് മാത്യു വ്യക്തമാക്കുന്നു.