ഒരു നോക്കു കാണാന്‍... ; കെ പി എസി ലളിത ദിലീപിനെ ജയിലിലെത്തി കണ്ടു

ദിലീപിനെ കാണാന്‍ താരങ്ങളുടെ തിരക്ക്

aparna| Last Updated: ശനി, 16 സെപ്‌റ്റംബര്‍ 2017 (17:25 IST)
കൊച്ചിയില്‍ യുവനടിയെ അക്രമിച്ച കേസിലെ ഗൂഢാലോചനയുമായി ബന്ധപ്പെട്ട് റിമാന്‍ഡില്‍ കഴിയുന്ന നടന്‍ ദിലീപിനെ മുതിര്‍ന്ന നടിയും കേരള സംഗീത നാടക അക്കാദമി അധ്യക്ഷയുമായ കെ പി എസി ലളിത ജയിലിലെത്തി സന്ദര്‍ശിച്ചു. വൈകിട്ട് നാലുമണിയോടെ ആലുവ സബ്ജയിലിലെത്തിയാണ് കെ പി എസി ലളിത ദിലീപിനെ കണ്ടത്. ദിലീപിന്റെ സഹോദരിക്കൊപ്പമാണ് ലളിത ജയിലിലെത്തിയത്. സന്ദര്‍ശനം പത്ത് മിനുറ്റ് നീണ്ടു. സന്ദര്‍ശനത്തിന് ശേഷം മാധ്യമങ്ങളോട് പ്രതികരിക്കാന്‍ ലളിത തയ്യാറായില്ല.

അതേസമയം, ദിലീപ് അങ്കമാലി മജിസ്ട്രേറ്റ് കോടതിയില്‍ സമര്‍പ്പിച്ച ജാമ്യാപേക്ഷയില്‍ കോടതി തിങ്കളാഴ്ച വിധി പറയും. അടച്ചിട്ട കോടതി മുറിയിലാണ് നടപടിക്രമങ്ങൾ നടന്നത്. കേസിലെ കോടതി നടപടികൾ രഹസ്യമാക്കണമെന്ന് പ്രോസിക്യൂഷൻ നേരത്തെ തന്നെ ആവശ്യപ്പെട്ടിരുന്നു.

നടിയുടെ നഗ്നചിത്രങ്ങൾ പകർത്താൻ ഗൂഢാലോചന നടത്തിയെന്ന കുറ്റം മാത്രമാണു തനിക്കെതിരെയുള്ളതെന്നും അതിൽ അന്വേഷണം പൂർത്തിയായതിനാൽ ജാമ്യം അനുവദിക്കണമെന്നാണു ഹർജിയിൽ ദിലീപ് പറയുന്നത്. കേസിൽ ദിലീപിന്റെ റിമാൻഡ് കാലാവധി ഈ മാസം 28വരെ കോടതി നീട്ടിയിട്ടുമുണ്ട്.



ഇതിനെക്കുറിച്ച് കൂടുതല്‍ വായിക്കുക :