എട്ട് വർഷത്തെ പ്രണയത്തിനു ശേഷം വീട്ടുകാരെ വെറുപ്പിച്ച് കാമുകനെ വിവാഹം ചെയത് യുവതി മധുവിധുവിനു ശേഷം ഭർത്താവിന്റെ ആത്മാർത്ഥ സുഹൃത്തിനൊപ്പം ഒളിച്ചോടി. ആലപ്പുഴ കായംകുളത്താണ് സംഭവം. കായംകുളം ചിങ്ങോലി സ്വദശേിയായ യുവാവിന് ഇപ്പോള്‍ നാണക്കേട് കാരണം വീടിന് പുറത്തിറങ്ങാന്‍ കഴിയാത്ത അവസ്ഥയാണ്.

സ്വകാര്യ കോളേജ് അദ്ധ്യാപിക കൂടിയായ യുവതിയെ കാണാനില്ലെന്ന് കാണിച്ച് ഇപ്പോള്‍ ഹരിപ്പാട് സര്‍ക്കിള്‍ ഇന്‍സ്‌പെക്ടര്‍ക്ക് പരാതി നല്‍കിയിരിക്കുകയാണ്. തിങ്കളാഴ്ച ഹൈക്കോടതിയില്‍ ഹേബിയസ് കോര്‍പ്പസ് ഫയല്‍ ചെയ്യാനൊരുങ്ങുകയാണ് പെണ്‍കുട്ടിയുടെ വീട്ടുകാര്‍.

കഴിഞ്ഞ മാസം 20നായിരുന്നു ഇരുവരടേയും വിവാഹം. പെണ്‍കുട്ടിയുടെ വീട്ടുകാര്‍ക്ക് വിവാഹത്തിനോട് താൽപ്പര്യം ഉണ്ടായിരുന്നില്ല. എന്നാൽ യുവതിയുടെ നിർബന്ധത്തെ തുടർന്നാണ് വിവാഹത്തിനു സമ്മതിച്ചത്.
വിവാഹത്തിന് ശേഷം ഇരുവരും വാഗമണ്‍ ഉള്‍പ്പടെയുള്ള സ്ഥലങ്ങളില്‍ യാത്രയും പോയിരുന്നു.

തിരിച്ചെത്തിയശേഷം യുവാവിനെ ഫോണിലൂടെയാണ് യുവതി കാര്യം അറിയിച്ചത്. 'നിങ്ങളോടൊപ്പം ജീവിക്കാന്‍ എനിക്ക് താല്‍പര്യമില്ലെന്നും നിങ്ങളുടെ സുഹൃത്തായ അയല്‍വാസിക്കൊപ്പം പോകുന്നുവെന്നുമായിരുന്നു' പെൺകുട്ടിയുടെ സന്ദേശം.

ഇത്തരമൊരു ചതി ഭാര്യയിൽ നിന്നും സുഹൃത്തിൽ നിന്നും പ്രതീക്ഷിച്ചിരുന്നില്ലെന്ന് യുവാവിന്റെ അടുത്ത സുഹൃത്തുക്കൾ പറയുന്നു. ചെറുപ്പം മുതല്‍ യുവാവിന്റെ സുഹൃത്തായിരുന്ന അയല്‍വാസി ഇരുവരുടേയും പ്രണയത്തിനും പിന്നീട് വിവാഹത്തിന്റെ എല്ലാ ഒരുക്കങ്ങളും മുന്നില്‍ നിന്ന് നടത്തിയ ആളായിരുന്നു.