തിരുവനന്തപുരം|
സജിത്ത്|
Last Modified ബുധന്‍, 25 ജനുവരി 2017 (11:08 IST)
തിരുവനന്തപുരം ലോ അക്കാദമി പ്രിന്‍സിപ്പല്‍ ലക്ഷ്മി നായര്‍ രാജിവെക്കുന്നതുള്‍പ്പെടെയുള്ള ആവശ്യങ്ങള്‍ ഉന്നയിച്ച് സമരം ചെയ്യുന്ന വിദ്യാര്‍ഥികള്‍ക്ക് പൂര്‍ണപിന്തുണയുമായി ഭരണപരിഷ്‌കാര കമ്മീഷന്‍ അധ്യക്ഷന്‍ വിഎസ് അച്യുതാനന്ദന്‍. തികച്ചും ന്യായമായ ആവശ്യങ്ങളാണ് വിദ്യാര്‍ഥികള്‍ ഉന്നയിക്കുന്നതെന്നും ആ ആവശ്യങ്ങള്‍ സര്‍ക്കാര്‍ അംഗീകരിക്കണമെന്നും അദ്ദേഹം അറിയിച്ചു.
ലക്ഷ്മി നായര്‍ പ്രിന്‍സിപ്പലായ തിരുവനന്തപുരം ലോ അക്കാദമി അനധികൃതമായി ഭൂമി കൈവശം വെച്ചിരിക്കുകയാണ്. ആവശ്യമായതിനേക്കാള്‍ മൂന്ന് ഇരട്ടിയോളം ഏക്കര്‍ ഭൂമിയിലാണ് ഇപ്പോള്‍ അക്കാദമി പ്രവര്‍ത്തിക്കുന്നത്. ആ ഭൂമി എത്രയും പെട്ടെന്ന് സര്‍ക്കാര്‍ തിരിച്ചുപിടിക്കണമെന്നും പതിനഞ്ച് ദിവസമായി ലോ അക്കാദമിയില്‍ വിദ്യാര്‍ഥികള്‍ നടത്തുന്ന സമരപന്തല്‍ സന്ദര്‍ശിച്ചതിനുശേഷം സംസാരിക്കെ വി എസ് പറഞ്ഞു
