കാട്ടില്‍നിന്ന് പിടിച്ചുകൊണ്ടുവന്നു, കള്ളനെന്നുവിളിച്ചു, അടിക്കുകയും ചവിട്ടുകയും ചെയ്തു: മധുവിന്‍റെ മൊഴി

Madhu, Forest, Thief, Aadhivasi, Killed, Kerala, മധു, കൊലപാതകം, ആദിവാസി, കള്ളന്‍, വിശപ്പ്
പാലക്കാട്| BIJU| Last Modified വെള്ളി, 23 ഫെബ്രുവരി 2018 (18:19 IST)
ആദിവാസി യുവാവ് മധുവിന്‍റെ മരണമൊഴി പുറത്ത്. തന്നെ കാട്ടില്‍ നിന്ന് നാട്ടുകാര്‍ പിടിച്ചുകൊണ്ടുവരികയായിരുന്നു എന്നും കള്ളനെന്ന് വിളിച്ചെന്നും അടിക്കുകയും ചവിട്ടുകയും ചെയ്തെന്നുമാണ് മൊഴി.

കാട്ടില്‍ നിന്ന് പിടിച്ച് ജീപ്പില്‍ കയറ്റിയപ്പോള്‍ കള്ളനെന്ന് വിളിച്ച് അടിക്കുകയും ചവിട്ടുകയും ചെയ്തെന്നാണ് മൊഴി. എഫ് ഐ ആറിലാണ് പൊലീസ് മധുവിന്‍റെ മൊഴി രേഖപ്പെടുത്തിയിട്ടുള്ളത്.

തന്നെ കാട്ടില്‍ നിന്ന് പിടിച്ചുകൊണ്ടുവന്നവരുടെ പേരും മധു പൊലീസിനോട് പറഞ്ഞിട്ടുണ്ട്. മനു, അബ്‌ദുള്‍ ലത്തീഫ്, ഹുസൈന്‍, മത്തച്ചന്‍, അബ്‌ദുള്‍ റഹ്‌മാന്‍, അബ്‌ദുള്‍ കരീം, എ പി ഉമ്മര്‍ എന്നിവരാണ് തന്നെ പിടിച്ചുകൊണ്ടുവന്നതെന്നാണ് മധു മൊഴി നല്‍കിയിരിക്കുന്നത്.

പൊലീസ് മൊഴി രേഖപ്പെടുത്തി അധികം വൈകാതെ മധു മരണത്തിന് കീഴടങ്ങുകയായിരുന്നു. അബ്ദുള്‍ കരീം, ഹുസൈന്‍ എന്നിവരെ പൊലീസ് ഇതിനോടകം കസ്റ്റഡിയിലെടുത്തിട്ടുണ്ട്.


അനുബന്ധ വാര്‍ത്തകള്‍


ഇതിനെക്കുറിച്ച് കൂടുതല്‍ വായിക്കുക :