തിരുവനന്തപുരം|
Last Modified ബുധന്‍, 27 ഓഗസ്റ്റ് 2014 (12:38 IST)
തമിഴ്നാട് സ്വദേശിയായ സഹയാത്രക്കാരിയുടെ 16 പവന്റെ മാല മലയാളിയായ യാത്രക്കാരന്‍ കബളിപ്പിച്ച് തട്ടിയെടുത്തു.
ശ്രീലങ്കയില്‍ നിന്ന് തിരുവനന്തപുരത്തേയ്ക്കുള്ള വിമാനത്തിലാണ് സംഭവം.
പുലര്‍ച്ചെ കൊളംബോയില്‍ നിന്ന് തിരുവനന്തപുരത്തേയ്ക്ക് വന്ന യുഎല്‍ 161 നമ്പര്‍ വിമാത്തില്‍ തമിഴ്നാട് വിരുത നഗര്‍ സ്വദേശിയായ ശാന്തി എന്ന യാത്രക്കാരിയാണ് കബളിപ്പിക്കപ്പെട്ടത്.
യാത്രക്കാരിയുടെ കഴുത്തില്‍ 16 പവന്‍ തൂക്കം വരുന്ന മാല കൈവശം വച്ചാല്‍ കസ്റ്റംസ് പിടികൂടുമെന്ന് യാത്രക്കാരിയെ മലയാളിയായ യാത്രക്കാരന്‍ അറിയിച്ചു. താന്‍ സ്വര്‍ണം കടത്താമെന്ന് ഇയാള്‍ അറിയിച്ചതിനെ തുടര്‍ന്ന് ഇവര്‍ മാല ഊരി ഇയാളെ ഏല്‍പ്പിച്ചു. എന്നാല്‍ വിമാനത്തില്‍നിന്ന് പുറത്തിറങ്ങിയ ഇയാള്‍ മുങ്ങുകയായിരുന്നു. യാത്രക്കാരിയുടെ പരാതിയുടെ അടിസ്ഥാത്തില്‍ വലിയതുറ പൊലീസ് കേസെടുത്ത് അന്വേഷണം ആരംഭിച്ചു.
