മുന്‍ മുഖ്യമന്ത്രി ഉ​മ്മ​ൻചാ​ണ്ടി​ക്കും മറ്റ് നേതാക്കൾക്കും സോളാർ അ​ന്വേ​ഷ​ണ സം​ഘ​ത്തി​നുമെതിരെ സ​രി​ത നാ​യ​ർ മു​ഖ്യ​മ​ന്ത്രി പി​ണ​റാ​യി വി​ജ​യ​ന് നല്‍കിയ പ​രാ​തി സം​സ്ഥാ​ന പൊലീ​സ് മേ​ധാ​വി ലോ​ക്നാ​ഥ് ബെ​ഹ്റ ക്രൈം​ബ്രാ​ഞ്ചി​ന് കൈ​മാ​റി.

വ്യാഴാഴ്ചയാണ് 17 പേജുള്ള പരാതി ദൂതൻ മുഖേനെ സരിത മു​ഖ്യ​മ​ന്ത്രിക്ക് നല്‍കിയത്. തുടര്‍ന്ന് മുഖ്യമന്ത്രി ഡിജിപിക്ക് പരാതി കൈമാറുകയും അദ്ദേഹം ക്രൈം​ബ്രാ​ഞ്ച് മേ​ധാ​വി മു​ഹ​മ്മ​ദ് യാ​സി​ന് പ​രാ​തി കൈ​മാ​റുകയായിരുന്നു.

അതേസമയം, സ​രി​ത​യു​ടെ പ​രാ​തി​യി​ൽ തി​ടു​ക്ക​പ്പെ​ട്ട് കേ​സെ​ടു​ക്കേ​ണ്ടെ​ന്നാ​ണ് ഉ​ന്ന​ത പൊലീ​സ് ഉ​ദ്യോ​ഗ​സ്ഥ​രു​ടെ നി​ല​പാ​ട്. പ​രാ​തിയിലെ
എ​ല്ലാ വ​ശ​വും പ​രി​ശോ​ധി​ച്ച ശേ​ഷം മാ​ത്ര​മെ ക്രൈം​ബ്രാ​ഞ്ചി​ന്‍റെ ഭാ​ഗ​ത്ത് നി​ന്നും തു​ട​ർ ന​ട​പ​ടി​ക​ൾ ഉ​ണ്ടാ​കാ​ൻസാ​ധ്യ​ത​യു​ള്ളു​വെ​ന്നാ​ണ് ല​ഭി​ക്കു​ന്ന വി​വ​രം.

സോളാര്‍ കേസ് അന്വേഷിച്ച മുൻ അന്വേഷണസംഘത്തിനെതിരെയും ഉമ്മന്‍ചാണ്ടിക്കുമെതിരെയാണ് സരിത പരാതി നല്‍കിയിരിക്കുന്നത്. മുൻ സർക്കാരിന്റെ ഭാഗമായ ചിലര്‍ പ്രതിപ്പട്ടികയിലുള്ളതിനാൽ കേസ് അട്ടിമറിക്കപ്പെട്ടെന്നും താൻ ഉന്നയിച്ച പരാതികൾ ശരിയായ രീതിയില്‍ അന്വേഷിച്ചില്ലെന്നും തന്നെ പ്രതിയാക്കാൻ ഇപ്പോഴും ശ്രമം നടക്കുന്നുണ്ടെന്നും പരാതിയില്‍ വ്യക്തമാക്കുന്നുണ്ട്.