പ്രതീക്ഷകള്‍ തെറ്റിക്കാതെ കേരളത്തിന്റെ ചുണക്കുട്ടികള്‍ ദേശീയ സീനിയർ സ്​കൂൾ അത്​ലറ്റിക്​ മീറ്റിൽ കിരീടം സ്വന്തമാക്കി.

11 സ്വര്‍ണവും 12 വെള്ളിയും ഏഴു വെങ്കലവും ഉള്‍പ്പെടെ മുപ്പത് മെഡലുമായി 112 പോയിൻറുകളോടെയാണ്​ കേരളം തുടർച്ചയായ ഇരുപതാം കിരീടം ചൂടിയത്​.
56 പോയിന്റുമായി തമിഴ്നാട് രണ്ടാം സ്‌ഥാനത്തെത്തി.

1500, 3000 മീറ്ററിൽ സ്വർണം നേടിയ കേരളാ ക്യാപ്റ്റൻ കൂടിയായ സി.ബബിതയുടെയും 800, 400 മീറ്ററുകളിൽ ദേശീയ റെക്കോർഡോടെ ഇരട്ടസ്വർണം നേടിയ അബിത മേരി മാനുവലിന്റെയും മികവിലാണ് കേരളത്തിന്റെ വിജയക്കുതിപ്പ്.