കേരള മുഖ്യമന്ത്രി പിണറായി വിജയനെ പ്രശംസിച്ച് എഴുത്തുകാരൻ എൻ എസ് മാധവൻ. ശബരിമല സ്‌ത്രീപ്രവേശന വിഷയത്തിൽ വ്യക്തമായ നിലപാട് സ്വീകരിച്ചതിനാണ് മുഖ്യമന്ത്രിയെ പ്രശംസിച്ച് എൻ എസ് മാധവൻ ട്വീറ്റ് ചെയ്‌തത്.

'ചരിത്രം കേരളത്തോടു കരുണ കാണിച്ചു. വര്‍ഗീയ ധ്രുവീകരണത്തിന്റെ ഈ കാലത്ത് കേരളത്തെ നയിക്കാന്‍ പിണറായി അല്ലാതെ ഒരാളെയും ചിന്തിക്കാനാവില്ല. കേരളം എന്ന ആശയം പിണറായിയുടെ കൈയില്‍ സുരക്ഷിതമാണ്' അദ്ദേഹം ട്വിറ്ററിൽ കുറിച്ചു.

പിണറായി വിജയന്റെ കഴിഞ്ഞ ദിവസത്തെ പ്രസംഗം ചർച്ചയാവുന്നതിനിടയിലാണ് ഈ ട്വീറ്റ് പ്രഹ്യക്ഷപ്പെട്ടിരിക്കുന്നത്. ആചാരങ്ങള്‍ ലംഘിക്കാന്‍ കൂടിയുള്ളതാണെന്നാണ് ശ്രീനാരായണ ഗുരുവും അയ്യന്‍കാളിയും പഠിപ്പിച്ചതെന്ന് പിണറായി പറഞ്ഞിരുന്നു.