വിവാദ പ്രസ്താവന: എംഎം മണിക്ക് പരസ്യ​ശാസന മാത്രം, പ്രതിപക്ഷത്തിന് വഴങ്ങി മന്ത്രിസ്ഥാനം രാജിവയ്ക്കേണ്ട ആവശ്യമില്ലെന്ന് സി പി എം

എംഎം മണിക്ക് പരസ്യശാസന

തിരുവനന്തപുരം| സജിത്ത്| Last Modified ബുധന്‍, 26 ഏപ്രില്‍ 2017 (19:45 IST)
പാർട്ടിയെ അപകീർത്തിപ്പെടുത്തുന്ന തരത്തിലുള്ള നടപടികൾ തുടർച്ചയായി സ്വീകരിക്കുന്ന മന്ത്രി എം എം മണിയെ പരസ്യമായി ശാസിക്കാൻ സിപിഎം തീരുമാനം. കഴിഞ്ഞ ദവസം ചേര്‍ന്ന സി​പി​എം സംസ്ഥാന സെക്രട്ടറിയേറ്റ് യോഗത്തില്‍ സെക്രട്ടറിയേറ്റ് അംഗം കൂടിയായ മണിക്കെതിരെ നടപടിയെടുക്കാൻ തീരുമാനമെടുത്തിരുന്നു. തുടര്‍ന്ന് ഇന്ന് നടന്ന സംസ്ഥാന സമിതി യോഗത്തിലാണ് ഇത്തരമൊരു നടപടിയെടുത്തത്.

വിവാദ പ്രസ്താവനയുടെ പേരിൽ സെക്രട്ടറിയേറ്റ് യോഗത്തിൽ മണിക്കെതിരെ രൂക്ഷ വിമർശനമായിരുന്നു ഉയർന്നുവന്നത്. സർക്കാരിനെ വിവാദങ്ങളിൽ​നിന്നു വിവാദങ്ങളിലേക്കു ചാടിക്കുന്ന തരത്തിലാണ്​ മണിയുടെ പ്രസ്താവനകളെന്നും ഇത് പാർട്ടിക്കു നാണക്കേടാണെന്നുമുള്ള വിമർശനവുമയര്‍ന്നിരുന്നു. സി​പി​എം സംസ്ഥാന സെക്രട്ടറി കോടിയേരി ബാലകൃഷ്ണനും മണിക്കെതിരെ നിലപാടെടുത്തതായാണു സൂചന.



ഇതിനെക്കുറിച്ച് കൂടുതല്‍ വായിക്കുക :