മമ്മൂട്ടിയുടെ കസബയെന്ന ചിത്രത്തെ രൂക്ഷമായി വിമർശിച്ച നടി പാർവതിയെ പരിഹസിച്ച് നിരവധി ആളുകൾ രംഗത്തെത്തിയിരുന്നു. ചലച്ചിത്ര മേഖലയിൽ ഉള്ളവരും മമ്മൂട്ടിക്കൊപ്പമെന്ന നിലപാടാണ് സ്വീകരിച്ചത്. ഇപ്പോഴിതാ ചിത്രത്തിന്റെ നിർമാതാവ് പാർവതിക്കെതിരെ പരസ്യമായി രംഗത്തെത്തിയിരിക്കുകയാണ്.

'ഗീതു ആന്റിയും ,പാർവതി ആന്റിയും അറിയാൻ കസബ നിറഞ്ഞ സദസിൽ ആന്റിമാരുടെ ബർത്ത്ഡേ തീയതി പറയാമെങ്കിൽ എന്റെ ബർത്ത്ഡേ സമ്മാനമായി പ്രദർശിപ്പിക്കുന്നതായിരിക്കും' - അന്ന് ചിത്രത്തിന്റെ നിർമാതാവ് ജോബി ജോർജ്ജ് ഫേസ്ബുക്കിൽ കുറിച്ചു.

നേരത്തേ പാർവതിക്കെതിരെ കസബയുടെ സംവിധായകൻ നിധിൻ രൺജി പണിക്കർ രംഗത്തെത്തിയിരുന്നു. പാർവതി മറുപടി അർഹിക്കുന്നില്ലെന്നും അതിനുള്ള നിലവാരം നടിയുടെ വാക്കുകൾക്ക് ഇല്ലെന്നുമായിരുന്നു നിധിൻ വ്യക്തമാക്കിയത്.