'എന്റെ മരണം വരെ നിനക്ക് ഞാൻ ജോലി വാഗ്ദാനം ചെയ്യുന്നു, ലോകത്തിന്റെ ഏത് കോണിൽ വേണമെന്ന് നീ പറഞ്ഞാൽ മതി' - പ്രിന്റോയ്ക്ക് കസബ നിർമാതാവിന്റെ വാഗ്ദാനം

കസബ നിർമാതാവിന് പാർവതിയോട് ഇത്രയ്ക്ക് കലിപ്പോ?

aparna| Last Modified വെള്ളി, 29 ഡിസം‌ബര്‍ 2017 (08:32 IST)
മമ്മൂട്ടി ചിത്രം കസബയെ രൂക്ഷമായി വിമർശിച്ചതിനെ തുടർന്ന് നടി പാർവതിക്ക് നേരെ സൈബർ ആക്രമണം നടന്നിരുന്നു. കമന്റുകളും ആക്ഷേപങ്ങളും അതിരു കടന്നപ്പോൾ താരം പൊലീസിൽ പരാതി നൽകിയിരുന്നു. പാർവതിയുടെ പരാതിയിൽ രണ്ട് പേരെ പൊലീസ് ഇതിനോടകം അറസ്റ്റ് ചെയ്തിട്ടുണ്ട്. ഇതിൽ ആദ്യം അറസ്റ്റ് ചെയ്ത പ്രിന്റോയെ പിന്നീട് വിട്ടയച്ചു.

പോലീസ് അറസ്റ് ചെയ്ത് വിട്ടയച്ച പ്രിന്റോക്ക് പിന്തുണയുമായി കസബയുടെ സംവിധായകൻ ജോബി ജോർജ് രംഗത്ത്. ലോകത്തിന്റെ ഏത് കോണിൽ വേണമെങ്കിലും നിനക്ക് ജോലി നൽകാമെന്ന് ജോബി പറയുന്നു. ജോബിയുടേതെന്ന പേരിൽ പ്രചരിക്കുന്ന ഒരു കമന്റാണ് ഇപ്പോൽ സോഷ്യൽ മീഡിയകളിൽ വൈറലായി കൊണ്ടിരിക്കുന്നത്. എന്നാൽ, ഇതുവരെ നിർമാതാവ് ഇതിനോട് പ്രതികരിച്ചിട്ടില്ല.

വൈറലാകുന്ന കമന്റ് ഇങ്ങനെ:

'മോനേ, നിനക്ക് കഴിയുമെ‌ങ്കിൽ നിന്റെ നമ്പർ അയ‌ച്ച് താ. അല്ലെങ്കിൽ എന്റെ ഓഫീസിലേക്കോ എന്റെ വീട്ടിലേക്കോ നിനക്ക് വരാം. എന്റെ മരണം വരെ ഞാൻ നിനക്ക് ജോലി വാഗ്ദാനം ചെയ്യുന്നു. ഇന്ത്യയിലോ ദുബായിലോ യുകെയിലോ ഓസ്ട്രേലിയിലോ ലോകത്തിന്റെ ഏത് കോണിൽ വേണമെങ്കിലും ഞാൻ ജോലി മേടിച്ച് തരും'

ഇത് പ്രിന്റോയ്ക്ക് നൽകിയ മറുപടി തന്നെയാണോ അതോ മറ്റ് വല്ല സംഭവത്തിലും ജോബി പ്രതികരിച്ചതാണോ എന്നും വ്യക്തമല്ല.



ഇതിനെക്കുറിച്ച് കൂടുതല്‍ വായിക്കുക :