ബാര്‍ക്കോഴ: സിബിഐ അന്വേഷണം വേണ്ടെന്ന് ഹൈക്കോടതി

  ബാര്‍കോഴക്കേസ് , സിബിഐ അന്വേഷണം , ഹൈക്കോടതി , കെഎം മാണി
കൊച്ചി| jibin| Last Modified ബുധന്‍, 28 ജനുവരി 2015 (14:24 IST)
ബാര്‍കോഴക്കേസില്‍ വിജിലന്‍സ് അന്വേഷണം ശരിയായ രീതിയില്‍ ആണ് പുരോഗമിക്കുന്നതെന്നും ഈ സാഹചര്യത്തില്‍ സിബിഐ അന്വേഷണം ആവശ്യമില്ലെന്നും ഹൈക്കോടതി വ്യക്തമാക്കി. വിഷയത്തില്‍ വിജിലന്‍സ് നടത്തുന്ന അന്വേഷണം വഴിതെറ്റിയാണ് പോകുന്നതെന്ന് കരുതാന്‍ വസ്തുതകളില്ലെന്നും കോടതി വ്യക്തമാക്കി.

അതേസമയം ബാര്‍ കോഴക്കേസിലെ അന്വേഷണം ജാഗ്രതയോടെ വേണമെന്നും. ആരോപണ വിധേയന്‍ മന്ത്രിയായതിനാല്‍ കൂടുതല്‍ ശ്രദ്ധ കാണിക്കണമെന്നും. ആരോപണത്തിലെ സത്യം പുറത്തു കൊണ്ടുവരാന്‍ അന്വേഷണ ഏജന്‍സിക്ക് കഴിയണമെന്നും, ബാഹ്യസമ്മര്‍ദ്ദങ്ങള്‍ക്ക് വഴങ്ങരുതെന്നും വിജിലന്‍സിന് കോടതി നിര്‍ദേശം നല്‍കി. നിലവിലെ അന്വേഷണം ശരിയായ ദിശയില്‍ ആണെന്നും കോടതി വിലയിരുത്തി.

ബാര്‍ കോഴക്കേസില്‍ ആരോപണ വിധേയന്‍ ധനമന്ത്രി കെഎം മാണിയാണെന്നും അതിനാല്‍ ബാഹ്യസമ്മര്‍ദ്ദമുണ്ടാകാന്‍ സാധ്യത ഉണ്ടെന്നും ചൂണ്ടിക്കാട്ടി മുന്‍ എംഎല്‍എ എവി താമരാക്ഷനാണ് സിബിഐ അന്വേഷണം ആവശ്യപ്പെട്ട് ഹൈക്കടതിയില്‍ ഹര്‍ജി സമര്‍പ്പിച്ചത്. കേസില്‍ കഴിഞ്ഞ വെള്ളിയാഴ്ച വാദം പൂര്‍ത്തിയായിരുന്നു. തുടര്‍ന്ന് കോടതി വിധി പറയാന്‍ ഇന്നത്തേക്ക് മാറ്റിവയ്ക്കുകയായിരുന്നു.


മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക് ചെയ്യുക. ഫേസ്ബുക്കിലും
ട്വിറ്ററിലും
പിന്തുടരുക.



ഇതിനെക്കുറിച്ച് കൂടുതല്‍ വായിക്കുക :