ഇതുവരെ താന്‍ 45,83,000 തിരക്കഥകള്‍ വായിച്ചിട്ടുണ്ടെന്ന് നടനും തിരക്കഥാകൃത്തുമായ ശ്രിനിവാസന്‍. താരത്തിന്റെ പ്രസ്താവനക്കെതിരെ സോഷ്യല്‍ മീഡിയകളില്‍ പരിഹാസം. തള്ളുമ്പോള്‍ കുറച്ച് മയത്തിലൊക്കെ തള്ളാനാണ് സോഷ്യല്‍ മീഡിയ പറയുന്നത്.

ശ്രീനിവാസന്റെ പ്രസ്താവന ശരിയാണെങ്കില്‍ ഒരു ദിവസം 205 തിരക്കഥകള്‍ താരം വായിച്ചിരിക്കണമെന്ന് സോഷ്യല്‍ മീഡിയ പറയുന്നു. അങ്ങനെയെങ്കില്‍ മണിക്കൂറില്‍ 8 തിരക്കഥകള്‍ ശ്രീനിവാസന്‍ വായിച്ചിരിക്കണമെന്നും രജീഷ് കുമാര്‍ എന്ന വ്യക്തി പറയുന്നു.

ദയവു ചെയ്ത് താങ്കള്‍ മെഡിക്കല്‍ സയന്‍സില്‍ മാത്രം തള്ളിയാല്‍ മതി. അതുപോലല്ല കണക്ക്. പെട്ടന്ന് തെളിയും. മെഡിക്കല്‍ സയന്‍സ് അരച്ച് കലക്കി കുടിച്ചതു കൊണ്ട് ഉറങ്ങാതെ തിരക്കഥകള്‍ വായിക്കാനുള്ള സിദ്ധി ഇയാള്‍ക്ക് കിട്ടിയിട്ടുണ്ടാകാമെന്നും അദ്ദേഹം പറയുന്നു.