‘എനിക്കൊരു മകള്‍ ഉള്ളതാണ്, ഞാന്‍ ഒരിക്കലും ഇങ്ങനെ ചെയ്യില്ല’ - തന്നെ കാണാന്‍ എത്തിയ നിര്‍മാതാവിനോട് ദിലീപ് പറഞ്ഞത്

എന്തു ചെയ്യണമെന്ന് കാവ്യക്കറില്ല, അമ്മ എപ്പോഴും കരച്ചിലാണ് - ദിലീപ് കേസില്‍ അറിയാതെ പോകുന്ന ചില കാര്യങ്ങള്‍

aparna| Last Modified തിങ്കള്‍, 7 ഓഗസ്റ്റ് 2017 (16:52 IST)
‘ചേട്ടാ, സത്യം എന്റെ കൂടെയാണ്. അത് എന്നായാലും ജയിക്കും എനിക്കിപ്പോള്‍ മോശം സമയമാണ്. ചെയ്യാത്ത കുറ്റത്തിനാണ് അകത്ത് കിടക്കുന്നത്. എനിക്കൊരു മകളുള്ളതാണ്. ഒരിക്കലും ഇങ്ങനെയൊരു കാര്യം ഞാന്‍ ചെയ്യില്ല’ - ആലുവ സബ്ജയിലില്‍ തന്നെ കാണാന്‍ എത്തിയ നിര്‍മാതാവ് സുരേഷ് കുമാറിനോട് നടന്‍ ദിലീപ് പറഞ്ഞ വാക്കുകളാണിത്.

കൊച്ചിയില്‍ നടിയെ ആക്രമിച്ച കേസില്‍ റിമാന്‍ഡില്‍ കഴിയുന്ന ദിലീപിനെ കഴിഞ്ഞ ദിവസമാണ് സുരേഷ് കുമാര്‍ സന്ദര്‍ശിച്ചത്. ദിലീപിന്റെ അടുത്ത സുഹൃത്തുക്കളില്‍ ഒരാളാണ് സുരേഷ് കുമാര്‍. ജയിലില്‍ ദിലീപിന് പ്രത്യേക പരിഗണന ലഭിക്കുന്നുവെന്നത് വെറും പ്രചരണങ്ങള്‍ മാത്രമാണെന്നും ഇത്തരം ആരോപണങ്ങള്‍ ആരുടെ തലയില്‍ ആണുധിക്കുന്നതെന്നും അറിയില്ലെന്ന് സുരേഷ് കുമാര്‍ മനോര ഓണ്‍ലൈനിന് നല്‍കിയ അഭിമുഖത്തില്‍ വ്യക്തമാക്കി.

എനിക്ക് ഏറ്റവുമടുത്ത ബന്ധമുള്ള ഒരാള്‍ അതും ഞാന്‍ അനിയനെ പോലെ കരുതുന്ന ഒരാള്‍ ജയിലില്‍ കഴിയുമ്പോള്‍ പോയി കാണേണ്ടെന്നും ഇത് തീര്‍ത്തും വ്യക്തിപരമായ കൂടിക്കാഴച ആയിരുന്നുവെന്നും അദ്ദേഹം വ്യക്തമാക്കി. കുറച്ചു നേരം മാത്രമേ സംസാരിച്ചുള്ളുവെന്നും അദ്ദേഹം പറയുന്നു. ഡിജിപിയുറ്റെ അനുമതി ലഭിച്ചിട്ടാണ് സുരേഷ് കുമാര്‍ ദിലീപിനെ കാണാന്‍ ജയിലില്‍ എത്തിയത്.

ദിലീപിന്റെ കുടുംബത്തെക്കുറിച്ചൊക്കെ പ്രചരിക്കുന്നത് വെറും കള്ളത്തരങ്ങള്‍ മാത്രമാണെന്നും അദ്ദേഹം വ്യക്തമാക്കുന്നു. കാവ്യയുമായും സംസാരിച്ചു. എന്തു ചെയ്യണമെന്ന് ആ കുട്ടിയ്ക്ക് അറിയില്ല. മീനാക്ഷി സ്കൂളില്‍ പോകുന്നുണ്ട്. ദിലീപിന്റെ അമ്മയുടെ കാര്യമാണ് കഷ്ടം. ഏതു നിമിഷവും അവര്‍ കരച്ചിലാണ്. എന്നെ കെട്ടിപ്പിടിച്ചു കരയുകായിരുന്നു കണ്ടപ്പോള്‍. - സുരേഷ് കുമാര്‍ പറയുന്നു.


അനുബന്ധ വാര്‍ത്തകള്‍


ഇതിനെക്കുറിച്ച് കൂടുതല്‍ വായിക്കുക :