നിയമസഭ തെരഞ്ഞെടുപ്പില്‍ എൽ ഡി എഫ് വലിയ ഭൂരിപക്ഷത്തിൽ വിജയിക്കുമെന്ന് സി പി എം ജനറൽ സെക്രട്ടറി സീതാറാം യച്ചൂരി. എന്നാല്‍ കേരളത്തിൽ ബി ജെ പി അക്കൗണ്ട് തുറന്നാൽ അതിന്റെ ഉത്തരവാദിത്തം യു ഡി എഫിനാണെന്നും യച്ചൂരി പറഞ്ഞു.

കേരളത്തില്‍ നന്മയുടെ കാലം തിരിച്ചുവരുമെന്ന് സി പി എം പൊളിറ്റ് ബ്യൂറോ അംഗം പിണറായി വിജയൻ പറഞ്ഞു. മലയാളികളെ അധിക്ഷേപിച്ചുള്ള മോദിയുടെ പ്രസംഗം നിരാശയുടെ ഫലമാണെന്നും പിണറായി കുറ്റപ്പെടുത്തി. സ്ത്രീ സുരക്ഷയില്ലാത്ത നാടായി കേരളം മാറിയെന്നും പിണറായി ആരോപിച്ചു.