ഗൂഢാലോചന നടന്നിട്ടുണ്ട്, സത്യമിതാണ്‌ ; വെളിപ്പെടുത്തി ദിലീപിന്റെ സഹോദരന്‍

സിനിമയെ വെല്ലുന്ന സ്ക്രിപ്റ്റ്, ഇതൊരു വലിയ ട്രാപ് ആണ്: ദിലീപിന്റെ സഹോദരന്‍ അനൂപ്

aparna| Last Modified വ്യാഴം, 13 ജൂലൈ 2017 (11:44 IST)
കൊച്ചിയില്‍ യുവനടിയെ തട്ടിക്കൊണ്ട് പോയ സംഭവത്തില്‍ നടന്‍ ദിലീപിനെ അറസ്റ്റ് ചെയ്തത് തികച്ചും അടിസ്ഥാന രഹിതമെന്ന് ദിലീപിന്റെ സഹോദരന്‍ അനൂപ്. സിനിമയെ വെല്ലുന്ന തിരക്കഥയാണ് ഇക്കാര്യത്തില്‍ നടന്നിരിക്കുന്നതെന്നും അനൂപ് ആരോപിച്ചു.

‘ഇതൊരു ട്രാപ് ആണ്, വലിയ ട്രാപ്. സിനിമയെ വെല്ലുന്ന സ്ക്രിപ്റ്റ് ആണ് ഇക്കാര്യത്തില്‍ നടന്നിരിക്കുന്നത്. ദിലീപിനെ കേസില്‍ കുടുക്കുകയായിരുന്നു. ഇതിന് പിന്നില്‍ ഗൂഢാലോചന നടന്നിട്ടുണ്ടെന്നത് സത്യമാണ്. എന്നാല്‍, അത് ദിലീപിനെതിരാണ് നടന്നിരിക്കുന്നത്. നിരപരാധിത്വം തെളിയിച്ച് അദ്ദേഹം പുറത്ത് വരും. ദിലീപിനെതിരെ തെളിവുകള്‍ ഒന്നും ഇല്ല. എല്ലാം പൊലീസിന്റെ ഊഹാപോഹങ്ങള്‍ മാത്രമാണ്.’ - അനൂപ് വ്യക്തമാക്കി.

അതേസമയം, കേസില്‍ ദിലീപുമായുള്ള തെളിവെടുപ്പു തുടരുന്നു. തൃശൂരിലെ ടെന്നീസ് ക്ലബ്, ജോയ്സ് പാലസ്, ഗരുഡ ഹോട്ടൽ എന്നിവിടങ്ങളിലേക്കു ദിലീപുമായി പൊലീസ് യാത്ര തിരിച്ചു. നാളെയാണു ദിലീപിന്റെ കസ്റ്റഡി കാലാവധി അവസാനിക്കുന്നത് അതിനു മുൻപു തെളിവെടുപ്പു പൂർത്തിയാക്കുന്നതിനാണു ശ്രമം.


അനുബന്ധ വാര്‍ത്തകള്‍


ഇതിനെക്കുറിച്ച് കൂടുതല്‍ വായിക്കുക :