ആരാധകര്‍ ഏറെ പ്രതീക്ഷയോടെ കാത്തിരിക്കുകയാണ് പൂജ റിലീസിന് പുറത്തുറങ്ങുന്ന ദിലീപ് ചിത്രമായ രാമലീലയ്ക്കുവേണ്ടി. രാമലീലയ്ക്കൊപ്പം മൂന്ന് ചിത്രങ്ങള്‍ക്കൂടെ അന്നു തിയ്യേറ്ററിലേക്ക് എത്തുമെന്ന വാര്‍ത്ത വന്നിരുന്നു. കൊച്ചിയില്‍ യുവനടി ആക്രമിക്കപ്പെട്ട കേസില്‍ ദിലീപിന്റെ അറസ്റ്റിനെ തുടര്‍ന്ന് പല തവണയായി റിലീസിങ്ങ് മാറ്റിയ രാമലീല പൂജ അവധിക്ക് തിയ്യേറ്ററിലെത്തിക്കാമെന്ന് അണിയറപ്രവര്‍ത്തകര്‍ അറിയിച്ചിരുന്നു.

എന്നാല്‍ ദിലീപ് ചിത്രമായ രാമലീല തിയ്യേറ്ററിലെത്തുന്നതിനെതിരെ നിരവധി പ്രതിഷേധങ്ങള്‍ ഉയര്‍ന്നിരുന്നു. ഇതു കൂടാതെ ചിത്രത്തിനെതിരെ നിരവധി ക്യാമ്പയിനും നടന്നിരുന്നു. എന്നാല്‍ ഇപ്പോള്‍ സോഷ്യല്‍ മീഡിയ ചര്‍ച്ച ചെയ്യുന്നത് അതൊന്നുമല്ല. ചിത്രത്തിന്റെ റിലീസിന് മുന്നോടിയായി സംവിധായകന്‍ അരുണ്‍ ഗോപി വേളാങ്കണ്ണിയില്‍ എത്തിയതാണ്. അരുണ്‍ ഗോപി തന്നെയാണ് ഈ വിവരം തന്റെ ഫേസ്ബുക്കിലൂടെ അറിയിച്ചത്.

രാമലീല റിലീസിന് മുന്നേ വേളാങ്കണ്ണിയില്‍ എത്തിയ അരുണ്‍ ഗോപി മാതാവിനോടുള്ള തന്റെ പ്രാര്‍ത്ഥ രാമലീലയിലെ ഗാനത്തോട് ചേര്‍ത്ത് പോസ്റ്റ് ചെയ്തിരിക്കുകയാണ്. പോസ്റ്റിന് താഴെ വിജയാശംസകളുമായി നിരവധി കമന്റുകള്‍ പ്രത്യക്ഷപ്പെടുന്നുണ്ട്. ആരു ചെയ്ത പാപമിന്നു പേറിടുന്നു... മാതാവേ.. എന്ന് പറഞ്ഞു കൊണ്ടാണ് അരുണ്‍ ഈ ചിത്രങ്ങള്‍ പോസ്റ്റ് ചെയ്തത്.