ഐഫോണ്‍ 7 വമ്പന്‍ ഡിസ്കൌണ്ടില്‍; ഫോണ്‍ സ്വന്തമാക്കാന്‍ പകുതിവില പോലും കൊടുക്കണ്ട; ചുളുവിലയ്ക്ക് ഫോണ്‍ സ്വന്തമാക്കാനുള്ള അവസരം 31 വരെ മാത്രം

ഐ ഫോണ്‍ നിങ്ങള്‍ക്ക് ചുളുവിലയ്ക്ക് വാങ്ങാം

ന്യൂഡല്‍ഹി| Last Modified ശനി, 19 നവം‌ബര്‍ 2016 (12:50 IST)
വമ്പന്‍ ഡിസ്കൌണ്ടുമായി ഐഫോണ്‍ 7 വിപണിയില്‍. ആപ്പിള്‍ ആരാധകരുടെ മനം കുളിര്‍പ്പിക്കുന്ന ഓഫറുകളാണ് ഇപ്പോള്‍ നല്കിയിരിക്കുന്നത്. സിറ്റിബാങ്ക് കാര്‍ഡ് ഉപയോഗിച്ച് വാങ്ങുന്നവര്‍ക്ക് മാത്രമാണ് ഈ ഓഫര്‍ സൌകര്യം ലഭിക്കുക. ഐപാഡ്, ഏറ്റവും പുതിയ ഐഫോണ്‍ മോഡലുകള്‍ എന്നിവയാണ് വിലക്കുറവില്‍ ലഭിക്കുക. കൂടാതെ, ഐഫോണ്‍ 7 അല്ലെങ്കില്‍ പ്ലസ് ഫോണും ഐപാഡും കൂടി ചേര്‍ത്തുവാങ്ങുമ്പോള്‍ മാത്രമാണ് ഈ വിലക്കുറവ് ലഭിക്കുക.

ഓഫര്‍ അനുസരിച്ച് ഒരു ഐപാഡ് പ്രോയും ഒപ്പം ഐ ഫോണ്‍ 7 അല്ലെങ്കില്‍ ഐഫോണ്‍ 7 പ്ലസ് മോഡലും വാങ്ങുമ്പോള്‍ 23, 000 രൂപ വരെയാണ് കുറവ് നല്കുക. ഐഫോണിന് ഒപ്പം ഐപാഡ് എയര്‍ 2 ആണ് വാങ്ങുന്നതെങ്കില്‍ 18, 000 രൂപയുടെ കാഷ്‌ബാക്ക് ആയിരിക്കും ലഭിക്കുക. ഐപാഡ് മിനി 2 അല്ലെങ്കില്‍ 4 മോഡലുകള്‍ക്ക് ഒപ്പം ഐഫോണ്‍ 7 അല്ലെങ്കില്‍ ഐഫോണ്‍ 7 പ്ലസ് സ്മാര്‍ട് ഫോണ്‍ ആണ് വാങ്ങുന്നതെങ്കില്‍ 17, 000 രൂപയുടെ വിലക്കുറവ് ആണ് ലഭിക്കുക.

സിറ്റിബാങ്ക് കോര്‍പ്പറേറ്റ് ക്രെഡിറ്റ് കാര്‍ഡില്‍ ഓഫറുകള്‍ ലഭ്യമല്ല. ഈ വര്‍ഷം ഡിസംബര്‍ 31 വരെയാണ് ഈ ഓഫറുകള്‍ ലഭിക്കുക. പണം കൈമാറ്റം നടന്ന് 90 ബിസിനസ് ദിവസങ്ങള്‍ക്കുള്ളില്‍ മാത്രമായിരിക്കും ഡിസ്കൌണ്ട് തുക അക്കൌണ്ടില്‍ എത്തുക.



ഇതിനെക്കുറിച്ച് കൂടുതല്‍ വായിക്കുക :