ഷെരീഫ് രാജിവച്ചു, സു​ഷ​മ സ്വ​രാ​ജ് പാക് പ്രധാനമന്ത്രിയാകുമോ ? - ആവശ്യം പാകിസ്ഥാനില്‍ നിന്ന്

ഷെരീഫ് രാജിവച്ചു, സു​ഷ​മ സ്വ​രാ​ജ് പാകിസ്ഥാന്‍ പ്രധാനമന്ത്രിയാകുമോ ?

  Sushma Swaraj , Pakistan , Sushma , Hijaab asif tweet , supremcourt , panama , Hijaab , പനാമ അഴിമതി , ​ഹി​ജാ​ബ് അ​സി​ഫ് , സുപ്രീംകോടതി , സു​ഷ​മ , ഷ​ബ​ഹാ​ത് അ​ബ്ബാ​സ് താ​ഖ്വി , പാകിസ്ഥാന്‍ , പ്ര​ധാ​ന​മ​ന്ത്രി , ഷെരീഫ്
ഇ​സ്‌​ലാ​മാ​ബാ​ദ്| jibin| Last Updated: വെള്ളി, 28 ജൂലൈ 2017 (18:13 IST)
പനാമ അഴിമതിക്കേസില്‍ സുപ്രീംകോടതി ഉത്തരവ് വന്നതിന് പിന്നാലെ നവാസ് ഷെരീഫ് പാകിസ്ഥാന്‍ പ്രധാനമന്ത്രി സ്ഥാനം രാജിവച്ചതോടെ രസകരമായ ആവശ്യവുമായി ക​റാ​ച്ചി സ്വദേശിനി ​ഹി​ജാ​ബ് അ​സി​ഫ് രംഗത്ത്.

ക​ര​ൾ രോ​ഗം ബാ​ധി​ച്ച പാകിസ്ഥാന്‍ പൌരന് അ​ടി​യ​ന്ത​ര വൈ​ദ്യ​ചി​കി​ത്സ ലഭ്യമാക്കാന്‍ നടത്തിയ നീക്കമാണ് ഹിജാ​ബിനെ ഇത്തരമൊരു പരാമര്‍ശത്തിന് പ്രേരിപ്പിച്ചത്. “ താ​ങ്ക​ൾ ഞ​ങ്ങ​ളു​ടെ പ്ര​ധാ​ന​മ​ന്ത്രി ആയിരുന്നെങ്കിൽ എന്ന് ആഗ്രഹിക്കുന്നു, അങ്ങനെ ആയിരുന്നുവെങ്കില്‍ ഈ ​രാ​ജ്യ​ത്തിന് മാറ്റമുണ്ടായെനെ ”- എന്നാണ് ഹി​ജാ​ബ് ട്വി​റ്റ​റി​ൽ കു​റി​ച്ചത്.



ക​ര​ൾ രോ​ഗം ബാധിച്ച ഷ​ബ​ഹാ​ത് അ​ബ്ബാ​സ് താ​ഖ്വി​ക്കാണ് സു​ഷ​മ​യുടെ ശക്തമായ ഇടപെടല്‍ മൂലം ഇന്ത്യയില്‍ ചികിത്സ ലഭ്യമായത്. ഇ​സ്‌​ലാ​മാ​ബാ​ദി​ലെ ഇ​ന്ത്യ​ൻ ഹൈ​ക്ക​മ്മീ​ഷ​ണറുമായി ബന്ധപ്പെട്ടാണ് സുഷുമ ഈ നീക്കം നടത്തിയത്. പാക് സര്‍ക്കാരിനെപ്പോലും നാണിപ്പിക്കുന്ന വേഗത്തിലാണ് ബിജെപി സര്‍ക്കാര്‍ ഇക്കാര്യത്തില്‍ നടപടിയെടുത്തത്.

ഷെരീഫും കുടുംബവും അനധികൃതമായി സ്വത്തുസമ്പാദിച്ചെന്ന് കോടതി വ്യക്തമാക്കിയതിന് പിന്നാലെയാണ് ഷെരീഫ് രാജിവച്ചത്. പനാമ അഴിമതിക്കേസിലെ റിപ്പോര്‍ട്ട് ശരിവച്ച കോടതി ഷെരീഫിനെ അയോഗ്യനാക്കി ഉത്തരവിട്ടിരുന്നു. ജസ്റ്റിസ് ഇജാസ് അഫ്സൽ ഖാൻ അധ്യക്ഷനായ അഞ്ചംഗ ബെഞ്ചിന്റേതാണു സുപ്രധാന വിധി.
ഇതോടെ പാകിസ്ഥാന്‍ കടുത്ത രാഷ്‌ട്രീയ പ്രതിസന്ധിയിലായി.


ഇതിനെക്കുറിച്ച് കൂടുതല്‍ വായിക്കുക :