WEBDUNIA|
Last Modified ശനി, 31 മെയ് 2008 (14:21 IST)
പെറുവില്‍ ആഭ്യന്തരയുദ്ധത്തിനിടെ കൊന്ന് കുഴിച്ച് മൂടിയെന്ന് കരുതപ്പെടുന്ന കുട്ടികളുടെ അവശിഷ്ടങ്ങള്‍ കണ്ടെത്തി. ആന്‍ഡിയനിലാണ് നരവംശ ശാസ്ത്രജ്ഞര്‍ കൂട്ടക്കുഴിമാടം കണ്ടെത്തിയത്.
നൂറില്‍ കൂടുതല്‍ മൃതദേഹങ്ങള്‍ ഇവിടെ കുഴിച്ചിട്ടുണ്ടെന്ന് കരുതുന്നു. ആഭ്യന്തര യുദ്ധം നടന്ന 1980-2000 കാലഘട്ടത്തിലാണ് ഇത്രയും പേരെ കൊന്നൊടുക്കിയതെന്ന് കരുതുന്നു.
കുഗ്രാമമായ പുടിസിലാണ് സമുദ്രത്തിന് 3500 മീറ്റര്‍ ഉയരത്തില്‍ ഈ കുഴിമാടം കണ്ടെത്തിയത്. തലസ്ഥാനമായ ലിമയ്ക്ക് 650 കിലോമീറ്റര്‍ തെക്ക് കിഴക്കായാണ് ഇത്.
ഡിസംബര്‍ 1984 ല്‍ സ്ത്രീകളും കുട്ടികളും പുരുഷന്മാരും അടക്കം 123 പേരെ കൂട്ടക്കൊല ചെയ്തതിനെ തുടര്‍ന്ന് ഇവിടന്ന് ജനങ്ങള്‍ ഒഴിഞ്ഞ് പോയിരുന്നു. കര്‍ഷക കുടുംബങ്ങളില്‍ നിന്നുള്ളവരാണ് കൊല്ലപ്പെട്ടത്.
