സാന്ഫ്രാന്സിസ്കോ|
Last Modified തിങ്കള്, 27 ജൂലൈ 2015 (19:04 IST)
പൊതുസ്ഥലങ്ങളില് മൂത്രമൊഴിച്ച് വൃത്തികേടാക്കുന്നത്
ഇന്ത്യയില് മാത്രമല്ല ലോകത്തെല്ലായിടത്തുമുള്ള ഒരു പൊതു പ്രശ്നമാണ്. എന്നാല് ഇതിനൊരു പ്രതിവിധിയാകുകയാണ് ആള്ട്രാ എവര് ഡ്രൈ എന്ന പ്രത്യേക പെയിന്റ് . സാന്ഫ്രാന്സിസ്കോയിലാണ് പൊതുയിടങ്ങള് മൂത്രമൊഴിച്ച് വൃത്തികേടാക്കുന്നവര്ക്കെതിരെ ആള്ട്രാ എവര് ഡ്രൈ ഉപയോഗിക്കുന്നത്.
ആള്ട്രാ എവര് ഡ്രൈ എങ്ങനെയാണ് പ്രതിവിധിയാകുന്നതെന്ന് നോക്കാം.
ജലാംശത്തെ തടയുന്ന പെയിന്റായതിനാല് ആള്ട്രാ എവര് ഡ്രൈയില് വെള്ളം തെറിക്കുമ്പോള് അത് ശക്തമായി തിരിച്ചു വരും. അതിനാല് ചുമരിലേയ്ക്ക് മൂത്രമൊഴിക്കുമ്പോള് ഈ പെയിന്റില് തട്ടി തിരിച്ച് മൂത്രമൊഴിച്ച ആളുടെ ദേഹത്തേയ്ക്ക് തെറിക്കും.
നഗരത്തിലെ ഭിത്തികളില് പുതിയ പെയിന്റ് വന്നതോടെ സാമൂഹിക വിരുദ്ധരുടെ എണ്ണത്തില് വന്കുറവാണുണ്ടായതെന്ന് പൊതുമരാമത്ത് വകുപ്പ് അധികൃതര് അറിയിച്ചു.ഫ്ളോറിഡയിലുള്ള മാലിന്യ സംസ്കരണ കമ്പനിയാണ് ഇതിനായി ആള്ട്രാ എവര് ഡ്രൈ എന്ന പെയിന്റ് നിര്മ്മിക്കുന്നത്.