തെരഞ്ഞെടുപ്പ് പ്രചാരണത്തിലുടനീളം വിവാദ പ്രസ്‌താവനകള്‍ നടത്തിയ അമേരിക്കന്‍ റിപ്പബളിക്കൻ പ്രഡിഡന്റ് ഡൊണൾഡ്​ ട്രംപി​ന്റെ ഭാര്യയും പ്രഥമ വനിതയുമായ മെലാനിയ ട്രംപിന് താന്‍ വസ്​ത്രമൊരുക്കില്ലെന്ന്​ പ്രശസ്​ത ഫ്രഞ്ച്​ ഫാഷൻ ഡിസൈനർ സോഫി തെല്ലറ്റ്.

2009 മുതൽ നിരവധി തവണ മിഷേൽ ഒബാമക്ക്​ വസ്​ത്രങ്ങൾ ഒരുക്കി തെല്ലറ്റ്​ കത്തിലൂടെയാണ് തന്റെ നയം വ്യക്തമാക്കിയത്.

വ്യക്തി സ്വാതന്ത്ര്യത്തെയും ജീവിത ​ശൈലികളോടും ബഹുമാനം പുലർത്തുന്ന താൻ മെലാനിയയുമായി സഹകരിക്കാനില്ല. കുടുംബപരമായി നടത്തുന്ന ബിസിനസ്​ എന്ന നിലയിൽ പണമെന്ന ഘടകത്തെ കണക്കിലെടുക്കുന്നില്ലെന്നും തെല്ലറ്റ്​ കത്തിലൂടെ വ്യക്തമാക്കുന്നു.

കുടിയേറ്റ വിരുദ്ധത, വംശീയ വിദ്വേഷം, ലിംഗ വിവേചനം തുടങ്ങി തങ്ങളുടെ സംസ്​കാരത്തിന്​ വിരുദ്ധമായ കാര്യങ്ങളാണ്​ ട്രംപ്​ ഉയർത്തികൊണ്ടുവന്നത്​. അത്തരമൊരു രാഷ്​ട്രീയത്തിൽ പങ്കുചേരുന്നത്​ ബുദ്ധിപരമല്ലെന്നറിയാമെന്നും തെല്ലറ്റ് പറയുന്നുണ്ട്.