ഹാലിഫാക്സ്|
Last Modified ഞായര്‍, 29 മാര്‍ച്ച് 2015 (18:18 IST)
കാനഡയില്‍ എയര്‍ബസ്‌ എ 320 വിമാനം റണ്‍വേയില്‍ ഇടിച്ചിറങ്ങി. ഹാലിഫാക്സ് രാജ്യാന്തര വിമാനത്താവളത്തിലാണ് അപകടമുണ്ടായത്.സംഭവത്തില്‍
22 യാത്രക്കാര്‍ക്ക് പരിക്കേറ്റതായി എയര്‍ കാനഡ അറിയിച്ചു.
ഇവരെ ആശുപത്രിയിലേക്ക് മാറ്റിയിരിക്കുകയാണ്.
ടൊറന്റോയില്‍ നിന്നും വന്ന എ.സി 624 വിമാനമാണ് അപകടത്തില്‍ പെട്ടത്. വിമാനത്തില്‍ 133 യാത്രക്കാരും 5 ജീവനക്കാരുമുള്‍പ്പടെ 138 പേരുണ്ടായിരുന്നു. മോശം കാലാവസ്ഥയെത്തുടര്‍ന്ന് പൈലറ്റിന് റണ്‍വേ വ്യക്തമായി കാണാതിരുന്നതാണ് അപകടകാരണമായതെന്നാണ് റിപ്പോര്‍ട്ട്. അപകടത്തില്‍ വിമാനത്തിന് സാരമായ കേടുപാടുകള്‍ സംഭവിച്ചിട്ടുണ്ട്.
