ജോര്‍ജിയ|
jibin|
Last Modified വ്യാഴം, 12 ജനുവരി 2017 (20:12 IST)
ബന്ധുവിന്റെ ലൈംഗികാതിക്രമത്തില്‍ മനം നൊന്ത് പന്ത്രണ്ടുകാരി ആത്മഹത്യ ചെയ്തു. പീഡിനമേറ്റതിനാല്‍ ജീവനൊടുക്കുകയാണെന്ന് ഫേസ്‌ബുക്കില്‍ ലൈവ് സ്ട്രീം നടത്തിയാണ് പെണ്‍കുട്ടി
തൂങ്ങിമരിച്ചത്. വീഡിയോ ലൈവ് സ്ട്രീം ചെയ്തു കൊണ്ടിരിക്കെയാണ് ഇവര്‍ ആത്മഹത്യ ചെയ്‌തത്.
ജോര്‍ജിയയിലെ സെഡര്‍ടൗണിലെ കാറ്റ്‌ലിന്‍ നിക്കോള്‍ ഡേവിസ് എന്ന പെണ്‍കുട്ടിയാണ് പീഡന വിവരം തുറന്നു പറഞ്ഞ്
ലൈവ് സ്ട്രീമിനിടെ ജീവനൊടുക്കിയത്. ലൈവ് വീഡിയോ കണ്ട് പൊലീസ് എത്തിയെങ്കിലും കാറ്റ്‌ലിനെ രക്ഷിക്കാനായില്ല.
ഡിസംബര്‍ 27ന് തന്റെ ബ്ലോഗ് പോസ്റ്റിലാണ് കാറ്റ്‌ലിന്‍ ലൈംഗിക ചൂഷണത്തിന്റെ വിവരം വെളിപ്പെടുത്തിയത്. ബന്ധുവാണ് തന്നെ ലൈംഗികമായി ഉപയോഗിച്ചതെന്ന് പെണ്‍കുട്ടി വ്യക്തമാക്കുകയും ചെയ്‌തിരുന്നു. തുടര്‍ന്ന് ഡിസംബര്‍ 30ന് പെണ്‍കുട്ടി ആത്മഹത്യ ചെയ്യുകയുമായിരുന്നു.
അസേമയം വീഡിയോ ഓണ്‍ലൈനില്‍ നിന്ന് നീക്കം ചെയ്യണമെന്ന ആവശ്യം ശക്തമാണ്. വീഡിയോ നീക്കം ചെയ്യണമെന്ന് ആവശ്യപ്പെട്ട് വിദേശരാജ്യങ്ങളില്‍ നിന്നു പോലും നിരവധി പേര്‍ ജോര്‍ജിയ പൊലീസുമായി ബന്ധപ്പെടുന്നുണ്ട്.
