ക്രിസ്റ്റ്യാനോ റൊണാള്‍ഡോയുടെ പിന്‍‌ഗാമിയോ ?; എല്‍ ക്ലാസിക്കോയിലെ 21കാരന്റെ അത്ഭുത ഗോള്‍ കാണാം
ബാഴ്സയുടെ പുതിയ ശത്രു അസന്‍സിയോ
സജിത്ത്|
Last Modified വെള്ളി, 18 ഓഗസ്റ്റ് 2017 (10:16 IST)
ബാഴ്സയുടെ പുതിയ ശത്രുവായി റയലിന്റെ മാര്‍കോ അസന്‍സിയോ.കഴിഞ്ഞ സ്പാനിഷ് സൂപ്പര്‍ കപ്പില്‍ മൂന്നാം മിനിറ്റില്‍ റയലിനെ മുന്നിലെത്തിച്ച മാര്‍കോ അസന്‍സിയോയുടെ 25 അടി അകലെ നിന്നുള്ള ബുള്ളറ്റ് ഷോട്ടാണ്
അദ്ദേഹത്തെ ബാഴ്സയുടെ ശത്രുവാക്കിയത്. ഇതുവരെയും ആ ഒരു ഗോളിന്റെ ഞെട്ടലില്‍ നിന്ന് മുക്തരാകാന്‍ ബാഴ്സ ആരാധകര്‍ക്ക് കഴിഞ്ഞിട്ടില്ലെന്നതാണ് വസ്തുത.
സൂപ്പര്‍ താരം ക്രിസ്റ്റ്യാനോ റൊണാള്‍ഡോ സസ്പെന്‍ഷന്‍ മൂലം പുറത്തിരുന്നതിന്റെ ക്ഷീണം നികത്തിയായിരുന്നു അസന്‍സിയോയുടെ അത്ഭുത ഗോള്‍. എല്‍ ക്ലാസിക്കോയിലെ ആദ്യപാദ മല്‍സരത്തിലും ബാഴ്സക്കെതിരെ അലന്‍സിയോ ലോംഗ് റേഞ്ചറിലൂടെ ഗോള്‍ നേടിയിരുന്നു. രണ്ടാം പാദമല്‍സരത്തില്‍ ഇരട്ട ഗോളുകള്‍ കുറിച്ചായിരുന്നു റയല്‍ സ്പാനിഷ് സൂപ്പര്‍ കപ്പ് നേടിയത്.
