ഇമ്മാനുവല്‍, ബാവുട്ടി ഒക്കെ പോലെ നന്‍‌മയുടെ ആള്‍‌രൂപമൊന്നുമല്ല കുഞ്ഞനന്തന്‍. അയാള്‍ക്ക് നല്ല വശവും ചീത്ത വശവുമുണ്ട്. ഒരു സാധാരണ മനുഷ്യന്‍ ചിന്തിക്കുന്നതുപോലെയൊക്കെ ചിന്തിക്കുന്നുമുണ്ട്. റോഡ് വികസനത്തിനായി സര്‍ക്കാര്‍ കട ഒഴിപ്പിക്കുമെന്നറിയുമ്പോള്‍ അയാള്‍ വിവശനാകുന്നതും കട നഷ്ടമാകാതിരിക്കാന്‍ നടത്തുന്ന ശ്രമങ്ങളും നോക്കുക.
കണ്ണൂരാണ് സിനിമയുടെ ലൊക്കേഷന്‍. ഭാഷ കണ്ണൂര്‍ ഭാഷ. പതിവുപോലെ മമ്മൂട്ടി ഈ സ്ലാംഗിലും ഒന്നാന്തരമായി. മമ്മൂട്ടി മാത്രമല്ല, അഭിനേതാക്കളെല്ലാം.
