പാവം ജയറാം വില്ലനായി !

PRO

മലയാളിയുടെ ചോക്ലേറ്റ്‌ സുന്ദരന്‍ ജയറാം ഒടുവില്‍ വില്ലനാകുന്നു. ജയം രവി നായകനായി ഉടന്‍ പുറത്തിറങ്ങുന്ന 'ധാംധൂമി'ലാണ്‌ മലയാളിയുടെ 'അയലത്തെ പയ്യന്‍ ' വില്ലന്‍ വേഷത്തില്‍ അവതരിക്കുന്നത്‌.

ഛായാഗ്രാഹകനും സംവിധായകനുമായ ജിവയുടെ രണ്ടാമത്തെചിത്രമായിരുന്നു ധാം ധും. സിനിമയുടെ ചിത്രീകരണത്തിനിടെ ജീവയുടെ മരണം ചിത്രത്തെ പ്രതിസന്ധിയിലാക്കിയിരുന്നു. ജീവയുടെ അസോസിയേറ്റുകളാണ്‌ പിന്നീട്‌ ചിത്രം പൂര്‍ത്തിയാക്കി ചിത്രീകരണത്തിന്‌ എത്തിച്ചിരിക്കുന്നത്‌.

അടുത്തമാസം ആദ്യം ചിത്രം റിലീസ്‌ ചെയ്യും. ഭാഷ അറിയാതെ വലിയ ലക്‍ഷ്യവുമായി റഷ്യയില്‍ എത്തുന്ന ഒരു ഡോക്ടറുടെ കഥയാണ്‌ ധാം ധൂമിലേതെന്ന്‌ ജയറാം പറയുന്നു. റഷ്യയിലെ ഇന്ത്യന്‍ എംബസിയിലെ ഒരു ഉദ്യോഗസ്ഥനായിട്ടാണ്‌ ജയറാം എത്തുന്നത്‌.

ബോളിവുഡ്‌ സുന്ദരി കങ്കണ റാണത്ത് ആദ്യമായി തെന്നിന്ത്യയിലെത്തുന്നു എന്ന പ്രത്യേകതയും ചിത്രത്തിനുണ്ട്‌. മലയാളത്തില്‍ കഴിവ്‌ തെളിയിച്ച ലക്ഷ്‌മി റായിക്കും ചിത്രത്തില്‍ മികച്ച വേഷമുണ്ട്‌. റഷ്യയില്‍ നായകനെ സഹായിക്കുന്ന അഭിഭാഷകയുടെ വേഷമാണ് ലക്ഷ്‌മി റായിയുടേത്.

സസ്‌പെന്‍സ്‌ ത്രില്ലറായ ചിത്രത്തിലൂടെ അഭിനയ ജീവിതത്തില്‍ പുതിയ വഴിത്തിരുവിനാണ് ജയറാം ശ്രമിക്കുന്നത്‌. അടുത്തിടെ മലയാളത്തില്‍ ഇറങ്ങിയ ജയറാം ചിത്രങ്ങളെല്ലാം വന്‍ പരാജയങ്ങളായിരുന്നു. ഒരു കരിയര്‍ പ്രതിസന്ധിയില്‍ നില്‍ക്കുന്ന ജയറാമിനെ ഈ മാറ്റം രക്ഷിക്കുമോ എന്ന്‌ കാത്തിരുന്ന്‌ കാണാം.

WEBDUNIA|

‘വെറുതേ ഒരു ഭാര്യ’യാണ് മലയാളത്തില്‍ പുറത്തിറങ്ങാനുള്ള ഏറ്റവും പുതിയ ജയറാം ചിത്രം.

ഇതിനെക്കുറിച്ച് കൂടുതല്‍ വായിക്കുക :

പാവം ജയറാം വില്ലനായി ! മലയാളിയുടെ ചോക്ലേറ്റ്‌ സുന്ദരന്‍ ജയറാം 'അയലത്തെ പയ്യന്‍ ' വില്ലന്‍ ജിവയുടെ രണ്ടാമത്തെചിത്രമായിരുന്നു ധാം ധും. ബോളിവുഡ്‌ സുന്ദരി കങ്കണ റാണത്ത് ലക്ഷ്‌മി റായിക്കും ‘വെറുതേ ഒരു ഭാര്യ’യാണ് മലയാളത്തില്‍