കൃഷിയും കാര്യങ്ങളും - നോക്കി നടത്തുന്നത് ജോസൂട്ടി!

പാപനാശം, ജീത്തു ജോസഫ്, കമല്‍ഹാസന്‍, ജോസൂട്ടി, ദിലീപ്, ദൃശ്യം
Last Updated: തിങ്കള്‍, 8 ഡിസം‌ബര്‍ 2014 (18:30 IST)
'പാപനാശം' ഇപ്പോള്‍ പോസ്റ്റ് പ്രൊഡക്ഷന്‍ ജോലികളിലാണ്. ദൃശ്യത്തിന്‍റെ ഈ തമിഴ് റീമേക്കുമായി ബന്ധപ്പെട്ട് ഒരു നിമിഷം പോലും പാഴാക്കാതെ തിരക്കിലാണ് സംവിധായകന്‍ ജീത്തുജോസഫ്. ചിത്രത്തിലെ കേന്ദ്രകഥാപാത്രമായി കമല്‍ഹാസന്‍ അഭിനയിച്ചുതകര്‍ത്തിരിക്കുകയാണെന്നാണ് റിപ്പോര്‍ട്ടുകള്‍.

ജീത്തു ജോസഫിന്‍റെ അടുത്ത മലയാള ചിത്രത്തിന്‍റെ ജോലികളും ആരംഭിച്ചുകഴിഞ്ഞു. 'ലൈഫ് ഓഫ് ജോസൂട്ടി' എന്നാണ് ചിത്രത്തിന്‍റെ പേര്. ദിലീപാണ് ചിത്രത്തിലെ നായകന്‍. മോഹന്‍ലാല്‍, കമല്‍ഹാസന്‍ തുടങ്ങിയ മഹാനടന്‍‌മാരെ സംവിധാനം ചെയ്തതിന് ശേഷം ജീത്തു വീണ്ടും ദിലീപിലേക്ക് മടങ്ങിയെത്തിയിരിക്കുകയാണ്.

മൈ ബോസ് എന്ന മെഗാഹിറ്റിന് ശേഷം ദിലീപും ജീത്തു ജോസഫും ഒന്നിക്കുന്ന ചിത്രമാണ് ലൈഫ് ഓഫ് ജോസൂട്ടി. 'ഒരു ഓട്ടോ ബയോഗ്രഫി' എന്നാണ് ചിത്രത്തിന്‍റെ ടാഗ് ലൈന്‍. രചന നാരായണന്‍‌കുട്ടിയും ജ്യോതി കൃഷ്ണയുമാണ് നായികമാര്‍.

മെമ്മറീസോ ദൃശ്യമോ പോലെ ഒരു ത്രില്ലറായിരിക്കില്ല ലൈഫ് ഓഫ് ജോസൂട്ടി. ഇതൊരു സാധാരണക്കാരന്‍റെ ജീവിതചിത്രമാണ്. രാജേഷ് വര്‍മയാണ് ചിത്രത്തിന് തിരക്കഥ രചിക്കുന്നത്. ആദ്യമായാണ് മറ്റൊരാളുടെ തിരക്കഥയില്‍ ജീത്തു ജോസഫ് ഒരു സിനിമ സംവിധാനം ചെയ്യുന്നത് എന്ന പ്രത്യേകതയുമുണ്ട്. കട്ടപ്പനയിലെ അയ്യപ്പന്‍‌കോവിലിലാണ് ഈ സിനിമയുടെ ചിത്രീകരണം ആരംഭിക്കാനിരിക്കുന്നത്. ഇവിടെ രണ്ട് വീടുകളുടെയും വലിയ കൃഷിത്തോട്ടത്തിന്‍റെയുമൊക്കെ പശ്ചാത്തലത്തിലായിരിക്കും ചിത്രീകരണം.

ജോജു, സുരാജ് വെഞ്ഞാറമൂട്, ചെമ്പന്‍ വിനോദ് ജോസ്, ഹരീഷ് പേരടി, ധര്‍മ്മജന്‍ ബോള്‍ഗാട്ടി തുടങ്ങിയവരും ലൈഫ് ഓഫ് ജോസൂട്ടിയുടെ ഭാഗമാകുന്നു. കട്ടപ്പനയിലെ ആദ്യ ഷെഡ്യൂളിന് ശേഷം ന്യൂസിലന്‍ഡിലാണ് ചിത്രീകരണം തുടരുക. അതിന് ശേഷം ടീം കട്ടപ്പനയിലേക്ക് മടങ്ങിയെത്തും.



ഇതിനെക്കുറിച്ച് കൂടുതല്‍ വായിക്കുക :