ജനപ്രിയ നായകന്‍ ദീലിപും സംവിധായകന്‍ ഷാഫിയും ഒന്നിച്ച ചിത്രങ്ങള്‍ക്കെല്ലാം മികച്ച സ്വീകാര്യതയാണ് പ്രേക്ഷകര്‍ നല്‍കിയിട്ടുളളത്. കല്യാണരാമനും മേരിക്കുണ്ടൊരു കുഞ്ഞാടും ടു കൺ‌ട്രീസും ഇക്കൂട്ടത്തിൽ പെടും.

ഇതില്‍ ഏറ്റവും വലിയ വിജയം 2 കണ്‍‌ട്രീസ് ആണ്. രജപുത്ര രഞ്ജിത് നിര്‍മ്മിച്ച ചിത്രം 50 കോടി ക്ലബില്‍ ഇടം നേടി. റാഫിയുടെ തിരക്കഥയായിരുന്നു ചിത്രത്തിന്‍റെ കരുത്ത്.

മം‌മ്തയുടെയും ദിലീപിന്റേയും കൂട്ടുകെട്ട് ഒരുക്കിയ കോമഡികൾ പ്രേക്ഷകർ നിറഞ്ഞകൈയ്യടിയോടെയാണ് ഏറ്റെടുത്തത്. എന്തായാലും 2 കണ്‍ട്രീസിന് രണ്ടാം ഭാഗം വരുന്നുവെന്നതാണ് ഏറ്റവും പുതിയ റിപ്പോര്‍ട്ട്.

മല്‍സരിച്ചുളള അഭിനയപ്രകടനമായിരുന്നു ദീലിപും മംമ്തയും 2 കണ്‍‌ട്രീസില്‍ നടത്തിയിരുന്നത്. നേരത്തേ മൈ ബോസ് എന്ന ചിത്രത്തിലും ഇവരുടെ കോമ്പോ ഹിറ്റായിരുന്നു. അപ്പോൾ ഇതിനൊരു രണ്ടാം ഭാഗം വന്നാൽ അത് പ്രേക്ഷകർ സ്വീകരിക്കുമെന്ന കാര്യത്തിൽ യാതോരു സംശയവുമില്ല.

ഷൂട്ടിംഗ് നടന്നുകൊണ്ടിരിക്കുന്ന പ്രൊഫസര്‍ ഡിങ്കന്‍, കോടതി സമക്ഷം ബാലന്‍ വക്കീല്‍ എന്നീ ദിലീപ് ചിത്രങ്ങള്‍ക്ക് ശേഷമായിരിക്കും 2 കണ്‍ട്രീസിന്‍റെ രണ്ടാം ഭാഗം ആരംഭിക്കുക.