മോഹന്‍ലാലിന് താടിവളര്‍ത്താന്‍ ഷൂട്ടിംഗ് ഒന്നരമാസം നീട്ടി‍; ഒടിയന്‍ വരുന്നു, ചെലവ് 100 കോടി!

വെള്ളി, 9 ജൂണ്‍ 2017 (19:58 IST)

Mohanlal, Odiyan, Sreekumar Menon, Manju Warrier, Harikrishnan, Prakash Raj, മോഹന്‍ലാല്‍, ഒടിയന്‍, ശ്രീകുമാര്‍ മേനോന്‍, മഞ്ജു വാര്യര്‍, ഹരികൃഷ്ണന്‍, പ്രകാശ് രാജ്

മലയാള സിനിമാചരിത്രത്തിലെ എല്ലാ റെക്കോര്‍ഡുകളും തിരുത്തിക്കുറിച്ച പുലിമുരുകന് ശേഷം മറ്റൊരു ബ്രഹ്മാണ്ഡചിത്രവുമായി മോഹന്‍ലാല്‍ എത്തുന്നു. അതും ഇതുവരെ മലയാള സിനിമ കേട്ടിട്ടില്ലാത്ത ബജറ്റില്‍. ‘ഒടിയന്‍’ എന്ന മോഹന്‍ലാല്‍ ചിത്രത്തിന് ബജറ്റ് 100 കോടിയാണ്. ആശീര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂരാണ് ചിത്രം നിര്‍മ്മിക്കുന്നത്. ശ്രീകുമാര്‍ മേനോന്‍ ചിത്രം സംവിധാനം ചെയ്യുന്നു. 
 
ദേശീയപുരസ്കാരജേതാവായ ഹരികൃഷ്ണന്‍റെ തിരക്കഥയില്‍ ഒരുങ്ങുന്ന ‘ഒടിയന്‍’ മോഹന്‍ലാലിന്റെ അഭിനയജീവിതത്തിലെ തന്നെ ഏറ്റവും ശക്തമായ കഥാപാത്രങ്ങളിലൊന്നായിരിക്കും. കൗതുകമുണര്‍ത്തുന്ന ഒരു പ്രോജക്ട് ആണത്, ഒപ്പം വെല്ലുവിളിയുമുണ്ടെന്ന് ശ്രീകുമാര്‍ മേനോന്‍ പറയുന്നു. 
 
മാജിക്കല്‍ റിയലിസത്തിന്റെ തലത്തില്‍ വരുന്ന സിനിമയാകും ഇത്‍. മണ്ണിന്റെ മണമുള്ള ഒരു ത്രില്ലറായിരിക്കും. മനുഷ്യന്‍ മൃഗത്തിന്റെ വേഷം കെട്ടി, ഇരുട്ടിനെ മറയാക്കി ആളുകളെ പേടിപ്പിക്കാന്‍ ക്വട്ടേഷനെടുക്കുന്ന ഒരു സംഘമുണ്ടായിരുന്നു പണ്ട്. അവരാണ് ആദ്യത്തെ ക്വട്ടേഷന്‍ സംഘം. അവരുടെ കഥയാണ് ഒടിയന്‍. ജീവിച്ചിരിക്കുന്ന അവസാനത്തെ ഒടിയനാണ് മോഹന്‍ലാലിന്റെ കഥാപാത്രമെന്നും സംവിധായകന്‍ പറയുന്നു.
 
ജൂണില്‍ ചിത്രീകരണം ആരംഭിക്കാനാണ് ആദ്യം പദ്ധതിയിട്ടിരുന്നതെങ്കിലും പിന്നീട് അത് ഓഗസ്റ്റിലേക്ക് മാറ്റുകയായിരുന്നു. മോഹന്‍ലാല്‍ അവതരിപ്പിക്കുന്ന കഥാപാത്രത്തിന് ആവശ്യമായ നീളമുള്ള താടിവളര്‍ത്തുന്നതിനായാണ് ഒന്നരമാസം ചിത്രീകരണം നീട്ടിയത്. 
 
മഞ്ജുവാര്യര്‍ നായികയാകുന്ന ഈ ചിത്രത്തില്‍ വില്ലനായി പ്രകാശ് രാജാണ് എത്തുന്നത്. പീറ്റര്‍ ഹെയ്ന്‍ ആക്ഷന്‍ രംഗങ്ങളൊരുക്കുന്നു. വി എഫ് എക്സിന്‍റെ നവ്യാനുഭവമാകും ‘ഒടിയന്‍’ സമ്മാനിക്കുക.
 
തസറാക്ക്, പാലക്കാട്, ഉദുമല്‍പേട്ട്, പൊള്ളാച്ചി, ഹൈദരാബാദ്, ബനാറസ് എന്നിവിടങ്ങളാണ് ഒടിയന്‍റെ പ്രധാന ലൊക്കേഷനുകള്‍.



ഇതിനെക്കുറിച്ച് കൂടുതല്‍ വായിക്കുക :  

സിനിമ

news

ഗ്രേറ്റ്ഫാദര്‍ വന്‍ ഹിറ്റായത് അത് ത്രില്ലറായതുകൊണ്ടല്ല, മറ്റൊരു വലിയ കാരണമുണ്ട്!

ആറുകോടി ചെലവില്‍ ചിത്രീകരിച്ച് 50 കോടിയിലധികം വാരിയ ദി ഗ്രേറ്റ്ഫാദറിന്‍റെ വിജയരഹസ്യം ...

news

ഗ്രേറ്റ്ഫാദര്‍ നേടിയത് 90 കോടി?, ഇന്ത്യന്‍ ബോക്സോഫീസില്‍ മമ്മൂട്ടിയുടെ പടയോട്ടം !

ഹനീഫ് അദേനി സംവിധാനം ചെയ്ത മമ്മൂട്ടിച്ചിത്രം 75 ദിവസം പിന്നിട്ട് ജൈത്രയാത്ര തുടരുകയാണ്. ...

news

ഡേവിഡ് നൈനാന്‍ തോക്കെടുത്തത് തോല്‍ക്കാനല്ല, ഇനിയുമുണ്ട് ഒരങ്കം!

ദി ഗ്രേറ്റ്ഫാദര്‍ എന്ന ഫാമിലി ത്രില്ലറിന്‍റെ എഴുപത്തഞ്ചാം ദിനത്തിന്‍റെ പോസ്റ്റര്‍ കഴിഞ്ഞ ...

news

പുലിമുരുകന്‍റെ അതേ ബജറ്റില്‍ ഒരു പൃഥ്വിരാജ് സിനിമ, റിലീസ് ഉടന്‍ !

വലിയ സിനിമകളുടെ കാലമാണിത്. ബാഹുബലിയും പുലിമുരുകനും കര്‍ണനും മഹാഭാരതയുമൊക്കെ ...