പണമെത്ര കൊടുത്താലും വേണ്ടില്ല, നയന്‍‌താര തന്നെ വേണമെന്ന് വാശി പിടിച്ച് സൂപ്പര്‍താരത്തിന്റെ മകന്‍!

നായിക നയന്‍സ് തന്നെ വേണം!

aparna| Last Modified വെള്ളി, 1 സെപ്‌റ്റംബര്‍ 2017 (10:16 IST)
തെന്നിന്ത്യയില്‍ ഏറ്റവും അധികം പ്രതിഫലം വാങ്ങിക്കുന്ന നായിക നയന്‍താര. നയന്‍‌താരക്കായി സൂപ്പര്‍ സംവിധായകരും നിര്‍മാതാക്കളും വരിനില്‍ക്കുകയാണ്. താരം ഒരു ചിത്രത്തിനായി വാങ്ങിക്കുന്ന പ്രതിഫലം 3 കോടി രൂപയാണ്.

ഇപ്പോഴിതാ, തന്റെ സിനിമയില്‍ നായികയായി നയന്‍‌താര തന്നെ മതിയെന്ന് വാശി പിടിക്കുകയാണ് ഒരു നിര്‍മാതാവ്. അതിനായി എത്ര പണം ചെലവാക്കിയാലും വേണ്ടില്ലന്നാണ് നിര്‍മാതാവിന്റെ പക്ഷം. അത് മറ്റാരുമല്ല, സൂപ്പര്‍ താരത്തിന്റെ മകനായ സാക്ഷാല്‍ രാം ചരണ്‍ തന്നെയാണ്. തന്റെ ആദ്യ നിര്‍മാണ സംരംഭത്തില്‍ നായികയായി നയന്‍സ് തന്നെ എത്തണമെന്നാണ് രാം ചരണ്‍ പറയുന്നത്.

ചിരജ്ജീവിയാണ് നായകന്‍. അദ്ദേഹത്തിന്റെ 151ആ‍മത് ചിത്രമാണ് അണിയറയില്‍ ഒരുങ്ങുന്നത്. ചിത്രത്തിനായി 8 കോടിയാണ് നയന്‍സ് പ്രതിഫലം പറ്റുന്നതെന്നാണ് റിപ്പോര്‍ട്ടുകള്‍. സുരേന്ദ്ര റെഡ്ഡിയാണ് ചിത്രത്തിന്റെ സംവിധായകന്‍.



ഇതിനെക്കുറിച്ച് കൂടുതല്‍ വായിക്കുക :