ഞാനൊരു അമ്മയാണെന്ന് പറഞ്ഞപ്പോൾ 'നിനക്ക് കുഞ്ഞുണ്ടെങ്കിൽ വീട്ടിലിരിക്കണം' എന്നായിരുന്നു അയാൾ പറഞ്ഞത്: സംവിധായകനെതിരെ ലക്ഷ്മി പ്രിയ

സംവിധായകനെതിരെ ലക്ഷ്മി പ്രിയ

aparna| Last Modified ശനി, 28 ഒക്‌ടോബര്‍ 2017 (10:39 IST)
സിനിമാ- സീരിയൽ മേഖലയിലെ നിറസാന്നിധ്യമാണ് ലക്ഷ്മിപ്രിയ. ലക്ഷ്മിപ്രിയ അടുത്തിടെ ഒരു സംവിധായകനെ അസഭ്യം പറഞ്ഞതായി റിപ്പോർട്ടുകൾ ഉണ്ടായിരുന്നു. സംവിധായകന്‍ പ്രസാദ് നൂറനാടാണ് ലക്ഷ്മിപ്രിയ തന്നെ അസഭ്യം പറഞ്ഞുവെന്ന് ആരോപിച്ച് രംഗത്തെത്തിയത്.

എന്നാല്‍ ഇക്കാര്യത്തില്‍ വിശദീകരണം നൽകുകയാണ് ലക്ഷ്മിപ്രിയ ഇപ്പോൾ. സീരിയലിന്റെ സംവിധായകനായ പ്രസാദ് നൂറനാട് വളരെ നിര്‍ബന്ധിച്ചതുകൊണ്ടാണ് താന്‍ ആ സീരിയലില്‍ അഭിനയിക്കാന്‍ തയ്യാറായത്. മകൾക്ക് ഏഴു മാസം പ്രായമായപ്പോഴാണ് പ്രസാദ് തന്നെ സമീപിച്ചത്. മകൾ ഉള്ളതിനാൽ പലകാരണങ്ങൾ പറഞ്ഞ് ഒഴുവാക്കാൻ ശ്രമിച്ചെങ്കിലും അദ്ദേഹം നിർബന്ധിച്ചു. അങ്ങനെയാണ് ആ സീരിയലിൽ അഭിനയിക്കാമെന്ന് തീരുമാനിച്ചതെന്ന് താരം പറയുന്നു.

രാവിലെ എട്ടുമുതല്‍ ഒമ്പതുവരെയാണ് ഷെഡ്യൂള്‍. സാധാരണ കൂടെ അഭിനയിക്കുന്ന ആര്‍ട്ടിസ്റ്റുകളെയൊക്കെ അവരുടെ വീട്ടിലും റൂമിലും എത്തിച്ചതിനുശേഷമാണ് എന്നെ കൊണ്ടുവിടാറുള്ളത്. അന്നത്തെ ദിവസം മകൾക്ക് പനിയുണ്ടായിട്ടും ഷൂട്ടിങ് മുടങ്ങണ്ടല്ലോ എന്ന് കരുതി പോയി.

9.30 മുതല്‍ എന്റെ ഫോണില്‍ തുടര്‍ച്ചയായി കോള്‍ വരുന്നുണ്ടായിരുന്നു. ഷൂട്ടിങ് കഴിഞ്ഞ് വിളിച്ചെങ്കിലും വീട്ടിലാരും കോൾ എടുത്തില്ല. ടെൻഷൻ ആയതോടെ എനിക്ക് പോകണമെന്ന് ഞാൻ ആവശ്യപ്പെട്ടു. എന്നാൽ, ആരും അതു കേട്ടില്ല. ഞാനൊരു അമ്മയാണ് എന്ന് പറഞ്ഞപ്പോള്‍ നിനക്ക് കുഞ്ഞുണ്ടെങ്കില്‍ നീ വീട്ടിലിരിക്കണം എന്നായിരുന്നു പ്രസാദിന്റെ മറുപടി.- പറയുന്നു.


അനുബന്ധ വാര്‍ത്തകള്‍


ഇതിനെക്കുറിച്ച് കൂടുതല്‍ വായിക്കുക :