ജോണി ആൻറണിക്കും മാർത്താണ്ഡനും മമ്മൂട്ടിയുടെ ഡേറ്റ് ?

Mammootty, The Great Father, Johny Antony, Marthandan, Prithviraj, Fahad Fazil, Biju Menon,  മമ്മൂട്ടി, ദി ഗ്രേറ്റ് ഫാദർ, ജോണി ആൻറണി, മാർത്താണ്ഡൻ, പൃഥ്വിരാജ്, ഫഹദ് ഫാസിൽ, ബിജു മേനോൻ
BIJU| Last Modified വ്യാഴം, 4 മെയ് 2017 (11:06 IST)
മമ്മൂട്ടിയുടെ പ്രിയപ്പെട്ട സംവിധായകരാണ് ജോണി ആൻറണിയും മാർത്തണ്ഡനും. വളരെ വേഗത്തിൽ കൊമേഴ്സ്യൽ ഹിറ്റൊരുക്കാനുള്ള മിടുക്കാണ് ഈ സംവിധായകരെ മമ്മൂട്ടിക്ക് പ്രിയങ്കരരാക്കുന്നത്. മികച്ച കഥകൾ കണ്ടെത്തി പെട്ടെന്ന് പ്രൊജക്ടുകൾ സൃഷ്ടിക്കാനും അവയെ മികച്ച പാക്കേജാക്കി മാറ്റാനും ഇരുവർക്കും കഴിയുന്നു. അടുത്ത വർഷം ഈ രണ്ട് സംവിധായകർക്കും മമ്മൂട്ടി ഡേറ്റ് നൽകാൻ സാധ്യതയുണ്ടെന്നാണ് സൂചനകൾ.

തോപ്പിൽ ജോപ്പനാണ് ജോണി ആൻറണി ഒടുവിൽ സംവിധാനം ചെയ്ത മമ്മൂട്ടിച്ചിത്രം. പുലിമുരുകനൊപ്പം റിലീസാകുകയും മികച്ച വിജയം വെട്ടിപ്പിടിക്കുകയും ചെയ്ത തോപ്പിൽ ജോപ്പൻ മമ്മൂട്ടിക്കും ഏറെ പ്രിയപ്പെട്ട ചിത്രമാണ്. തുറുപ്പുഗുലാൻ, ഈ പട്ടണത്തിൽ ഭൂതം, താപ്പാന തുടങ്ങിയ ഹിറ്റുകളും മമ്മൂട്ടിക്ക് സമ്മാനിച്ചത് ജോണി ആൻറണിയാണ്.

ദൈവത്തിൻറെ സ്വന്തം ക്ലീറ്റസ് ആണ് മമ്മൂട്ടിക്ക് നൽകിയ സൂപ്പർഹിറ്റ്. പിന്നീട് അഛാദിൻ എന്ന ശരാശരി വിജയം നേടിയ സിനിമയും മമ്മൂട്ടിക്കായി മാർത്താണ്ഡൻ സംവിധാനം ചെയ്തു. പ്രൊജക്ട് കഴിഞ്ഞാലുടൻ മാർത്താണ്ഡൻ ഒരു മമ്മൂട്ടി സിനിമ പ്ലാൻ ചെയ്യുമെന്നാണ് അറിയുന്നത്.

പ്രിയദർശൻ, സിദ്ദിക്ക് തുടങ്ങിയവരുടെ സിനിമകളും അടുത്ത വർഷം മമ്മൂട്ടിയുടെ മെഗാഹിറ്റ് പ്രതീക്ഷകളാണ്. അണിയറയിൽ മൂന്ന് മമ്മൂട്ടിച്ചിത്രങ്ങൾ ഒരേസമയം ചിത്രീകരണത്തിൻറെ വിവിധ ഘട്ടങ്ങളിലാണ്.



ഇതിനെക്കുറിച്ച് കൂടുതല്‍ വായിക്കുക :