കോടികളുടെ കളിക്ക് മമ്മൂട്ടിയും, പുതിയ സിനിമയ്ക്ക് ബജറ്റ് 30 കോടി; 100 കോടി ക്ലബ് ഇടം ഉറപ്പിച്ച് മെഗാതാരം !

പുലിമുരുകനേക്കാൾ വലിയ സിനിമയുമായി മമ്മൂട്ടി!

Mammootty, Raja 2, Vysakh, Pulimurugan, Udaykrishna, Mohanlal, മമ്മൂട്ടി, രാജ 2, വൈശാഖ്, പുലിമുരുകൻ, ഉദയ്‌കൃഷ്‌ണ, മോഹൻലാൽ
Last Modified വ്യാഴം, 19 ജനുവരി 2017 (11:23 IST)
മെഗാസ്റ്റാർ മമ്മൂട്ടിയുടെ പുതിയ സിനിമയ്ക്ക് ബജറ്റ് 30 കോടിയെന്ന് റിപ്പോർട്ടുകൾ വരുന്നു. വൈശാഖ് സംവിധാനം ചെയ്യുന്ന രാജ2 ആണ് 30 കോടി ബജറ്റിൽ ഒരുങ്ങുന്നത് എന്നാണ് വിവരം. പുലിമുരുകനേക്കാൾ നിറപ്പകിട്ടാർന്ന രീതിയിലാണ് വൈശാഖ് ഒരുക്കുന്നത്.

പോക്കിരിരാജ എന്ന വമ്പൻ ഹിറ്റിൻറെ രണ്ടാം ഭാഗമെന്ന നിലയിൽ ഇപ്പോൾ തന്നെ രാജ 2 വലിയ പ്രതീക്ഷയാണ് ഉണർത്തിയിരിക്കുന്നത്. ഈ ഹൈപ്പ് തന്നെ മലയാള സിനിമ ഇതുവരെ കണ്ടിട്ടില്ലാത്ത രീതിയിൽ വലിയ റിലീസിനും സ്വീകരണത്തിനും ഇടയാക്കും. മലയാളത്തിൻറെ അടുത്ത 100 കോടി പ്രതീക്ഷ തന്നെയാണ് രാജ 2.

മലയാളത്തിലും തമിഴിലും തെലുങ്കിലും റിലീസ് ചെയ്യത്തക്ക രീതിയിലായിരിക്കും രാജ 2 ഒരുങ്ങുന്നത്. തമിഴിലെയും തെലുങ്കിലെയും പ്രശസ്ത താരങ്ങൾ രാജ 2ൻറെ ഭാഗമാകും. ടോമിച്ചൻ മുളകുപ്പാടത്തിൻറെ ഈ ബ്രഹ്മാണ്ഡ പ്രൊഡക്ഷൻ പുലിമുരുകനേക്കാൾ വലിയ മാർക്കറ്റിംഗ് തന്ത്രങ്ങളിലൂടെ ലോകം മുഴുവൻ പ്രദർശനത്തിനെത്തിക്കും.

ഉദയ്‌കൃഷ്ണ തിരക്കഥയെഴുതുന്ന രാജ 2 കോമഡിക്കും ആക്ഷനും സംഗീതത്തിനും പ്രാധാന്യം നൽകുന്ന ക്ലീൻ എൻറർടെയ്നറായിരിക്കും.



ഇതിനെക്കുറിച്ച് കൂടുതല്‍ വായിക്കുക :