മലയാള സിനിമയിലെ യുവനടൻ ദുൽക്കർ സൽമാൻ - അമാൽ ദമ്പതികൾക്ക് പെൺകുഞ്ഞ് പിറന്നത് ഏറ്റെടുത്തിരിക്കുകയാണ് ട്രോളർമാർ. ചെന്നൈയിലെ മദര്‍ഹുഡ് ആശുപത്രിയിലായിരുന്നു കുഞ്ഞിന്റെ ജനനം. തന്റെ ഫേസ്ബുക്കിലൂടെ താരം തന്നെയാണ് വാർത്ത ആരാധകരെ അറിയിച്ചത്.

‘ഒന്നിലധികം കാരണങ്ങളാല്‍ ഇന്നെനിക്ക് മറക്കാന്‍ കഴിയാത്ത ദിവസമാണ്. ഇതുവരെയുള്ള എന്റെ ജീവിതം തന്നെ മാറിമറിഞ്ഞിരിക്കുന്നു. സ്വര്‍ഗത്തില്‍ നിന്നും വലിയൊരു അനുഗ്രഹമാണ് ഞങ്ങള്‍ക്ക് ലഭിച്ചിരിക്കുന്നത്. എന്റെ വളരെക്കാലത്തെ ആഗ്രഹം സഫലീകരിച്ചു. എനിക്ക് എന്റെ രാജകുമാരിയെ ലഭിച്ചു. ഓരോ സിനിമ റിലീസും ഓരോ ചടങ്ങുകളും ഓരോ വാർത്തകളും അറിയിക്കുന്നതു പോലെ ഞങ്ങളുടെ ഈ സന്തോഷവും ആരാധകരുമായി പങ്കുവെക്കുന്നു.’ ദുൽക്കർ തന്റെ ഫേസ്ബുക്കിൽ കുറിച്ചു.

ജനിച്ച ദിവസം തന്നെ ട്രോളന്മാരുടെ ട്രോളുകൾക്ക് ഇരയാകാനായിരുന്നു ദുല്‍ഖറിന്റെ മകളുടെ വിധി. അതില്‍ ചില രസകരമായി ട്രോളുകള്‍ ഏതൊക്കെയാണെന്ന് നോക്കാം.