ഒന്നാലോചിച്ചുനോക്കൂ, ഡേവിഡ് നൈനാനെ മമ്മൂട്ടി കൈവിട്ടിരുന്നെങ്കില്‍ !

Mammootty, Prithviraj, David Nainan, The Great Father, TGF, Haneef Adeni, മമ്മൂട്ടി, പൃഥ്വിരാജ്, ഡേവിഡ് നൈനാന്‍, ദി ഗ്രേറ്റ്ഫാദര്‍, ഹനീഫ് അദേനി
BIJU| Last Modified വെള്ളി, 28 ഏപ്രില്‍ 2017 (17:32 IST)
ദൃശ്യം ജീത്തു ജോസഫ് ആദ്യം ആലോചിച്ചത് മമ്മൂട്ടിയെ നായകസ്ഥാനത്തുനിര്‍ത്തിയാണ്. രാജാവിന്‍റെ മകനും ഏകലവ്യനും മെമ്മറീസുമെല്ലാം അതിന്‍റെ സ്രഷ്ടാക്കള്‍ മമ്മൂട്ടിയെ മനസില്‍ കണ്ട് എഴുതിയ തിരക്കഥകളാണ്. ആ സിനിമകളൊന്നും മമ്മൂട്ടി സ്വീകരിച്ചില്ല. അതൊക്കെ അദ്ദേഹത്തിന്‍റെ കരിയറിലെ വലിയ നഷ്ടങ്ങളുമാണ്. ഒന്നാലോചിച്ചുനോക്കൂ, ദി ഗ്രേറ്റ്ഫാദര്‍ എന്ന എക്കാലത്തെയും വലിയ ഹിറ്റിനെയും മമ്മൂട്ടി അങ്ങനെ കൈവിട്ടിരുന്നെങ്കില്‍ !

ഇപ്പോള്‍ ഗ്രേറ്റ്ഫാദര്‍ തരംഗമാണ് എങ്ങും. മലയാളത്തിലെ ഏറ്റവും വലിയ ഹിറ്റായി ഹനീഫ് അദേനി സംവിധാനം ചെയ്ത ഈ മമ്മൂട്ടിച്ചിത്രം മാറിയിരിക്കുകയാണ്. കളക്ഷന്‍ 60 കോടിയും കടന്ന് കുതിക്കുമ്പോള്‍ ഈ സിനിമയിലെ ഡേവിഡ് നൈനാന്‍ എന്ന കഥാപാത്രമായി സംവിധായകന്‍ ആദ്യം ആലോചിച്ചത് മമ്മൂട്ടിയെ അല്ല എന്ന വസ്തുത കൌതുകമുണര്‍ത്തുന്നതാണ്.

പൃഥ്വിരാജിനെ നായകനാക്കി ഈ സിനിമ ചെയ്യാനായിരുന്നു ഹനീഫ് അദേനിയുടെ പദ്ധതി. ഇതിനായി പൃഥ്വിയോട് കഥ പറഞ്ഞു. എന്നാല്‍ കഥ കേട്ട പൃഥ്വിരാജ് ‘ഇത് മമ്മൂക്ക ചെയ്താല്‍ നന്നാവും’ എന്നാണ് അഭിപ്രായപ്പെട്ടത്. മാത്രമല്ല, ഈ പ്രൊജക്ട് നിര്‍മ്മിക്കാനും പൃഥ്വി തയ്യാറായി.

ഒരു സിനിമയെക്കുറിച്ചുള്ള പൃഥ്വിരാജിന്‍റെ ദീര്‍ഘവീക്ഷണമാണ് ഈ സംഭവത്തിലൂടെ വെളിപ്പെടുന്നത്. മമ്മൂട്ടി ആയിരുന്നില്ല താരമെങ്കില്‍ ഗ്രേറ്റ്ഫാദറിന് ഇത്രയും വലിയ ബിസിനസ് നടക്കുമായിരുന്നില്ല. ഇന്ത്യയെങ്ങും ഇത്രവലിയ ആഘോഷവിജയമായി ഇത് മാറുമായിരുന്നില്ല.

100 കോടി ക്ലബിലേക്ക് മലയാളത്തിന്‍റെ രണ്ടാമത്തെ സംഭാവനയായി ഈ സിനിമ മാറുമെന്ന് ഉറപ്പായിക്കഴിഞ്ഞു. അത് എത്രദിവസത്തിനുള്ളില്‍ സംഭവിക്കുമെന്ന് മാത്രമാണ് ഇനി അറിയാനുള്ളത്.

ഓഗസ്റ്റ് സിനിമയുടെ 2011 മുതല്‍ 2016 വരെയുള്ള അഞ്ചുവര്‍ഷക്കാലത്തെ ചരിത്രത്തില്‍ ഏറ്റവും വലിയ ഹിറ്റാണ് ദി ഗ്രേറ്റ് ഫാദര്‍. ഈ സിനിമയുടെ മഹാവിജയം നിര്‍മ്മാണക്കമ്പനിക്ക് വന്‍ ലാഭമാണ് നേടിക്കൊടുത്തിരിക്കുന്നത്.

ഭാവിയില്‍ കൂടുതല്‍ മമ്മൂട്ടിച്ചിത്രങ്ങള്‍ നിര്‍മ്മിക്കാന്‍ ഓഗസ്റ്റ് സിനിമ പ്ലാന്‍ ചെയ്യുന്നതായാണ് വിവരം. വെറും ആറുകോടി ചെലവില്‍ നിര്‍മ്മിച്ച സിനിമ 60 കോടിയും കടന്ന് കുതിക്കുന്ന മാജിക്കാണ് സംഭവിച്ചിരിക്കുന്നത്.

എല്ലാ ട്രേഡ് അനലിസ്റ്റുകളെയും അമ്പരപ്പിച്ച ഈ വിജയത്തിന് ഒരുകാരണമേയുള്ളൂ എന്നാണ് ഒടുവില്‍ കണ്ടെത്തിയിരിക്കുന്നത്. അത് മമ്മൂട്ടി എന്ന മെഗാസ്റ്റാര്‍ മാത്രമാണ്!



ഇതിനെക്കുറിച്ച് കൂടുതല്‍ വായിക്കുക :