നടി ആക്രമിക്കപ്പെട്ടതിനു ശേഷം നടന്ന അമ്മയുടെ ആ‍ദ്യത്തെ മീറ്റിംഗ് ആയിരുന്നു കഴിഞ്ഞ ദിവസം കൊച്ചിയില്‍ നടന്നത്. സംഭവം യോഗത്തില്‍ ചര്‍ച്ചയാകുമെന്ന് എല്ലാവരും കരുതി. എന്നാല്‍, നടി ആക്രമിക്കപ്പെട്ടതോ സംഭവത്തില്‍ ദിലീപിനെ ചോദ്യം ചെയ്തതോ യോഗത്തില്‍ ചര്‍ച്ചയായില്ല. വാര്‍ത്താസമ്മേളനത്തില്‍ നടന്ന കാര്യങ്ങള്‍ ട്രോളര്‍മാര്‍ ഏറ്റുപിടിക്കുകയും ചെയ്തു.

ഇന്നസ്നെറ്റും മുകേഷും ഗണേഷും കൊടും‌പിരി കൊണ്ടപ്പോള്‍ മലയാളത്തിന്റെ സൂപ്പര്‍താരങ്ങള്‍ ഒന്നും മിണ്ടാതെ മാറി നില്‍ക്കുകയായിരുന്നു ചെയ്തത്. മാധ്യമങ്ങള്‍ മാത്രമല്ല ആരാധകരും ഇത് ശ്രദ്ധിച്ചു. ചുറ്റിലും അത്രയും വലിയ ബഹളം നടക്കുമ്പോഴും അതൊന്നും പ്രശ്നമാക്കാതെ മമ്മൂട്ടി ഇരുന്നുറങ്ങുകയായിരുന്നുവെന്നും ട്രോളര്‍മാര്‍ പറഞ്ഞിരുന്നു. ഇതിന്റെ രസകരമായ ട്രോളുകള്‍ വൈറലാവുകയും ചെയ്തിരുന്നു. മോഹന്‍ലാല്‍ ചിത്രം വരക്കുമ്പോള്‍, മമ്മൂട്ടി ഫോണില്‍ ഗെയിം കളിക്കുകയായിരുന്നു എന്നാണ് കാഴ്ചക്കാര്‍ പറയുന്നത്.

മോഹന്‍ലാല്‍ വളരെ 'സീരിയസായി' എന്തോ എഴുതുകയോ വരക്കുകയോ ചെയ്യുകയായിരുന്നു. ഇപ്പോഴിതാ, ലാല്‍ വരച്ച ചിത്രം പുറത്തുവിട്ടിരിക്കുകയാണ് ട്രോളര്‍മാര്‍ . അമ്മ മീറ്റിങില്‍ മോഹന്‍ലാല്‍ വരച്ച ചിത്രം വൈറലാകുന്നു എന്ന് പറഞ്ഞുകൊണ്ടാണ് ട്രോള്‍ നവമാധ്യമങ്ങളില്‍ പ്രചരിയ്ക്കുന്നത്. ഒരു 'കംപ്ലീറ്റ് ആന'യെ ആണത്രെ ലാല്‍ ഇത്ര ഗൗരവത്തോടെ വരച്ചത്.