ഗീതു മോഹൻദാസ് കഥയെഴുതി സംവിധാനം ചെയ്യുന്ന ‘മൂത്തോൻ’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. നിവിൻ പോലി നായകനാകുന്ന ചിത്രത്തിന്റെ ഫസ്റ്റ് ലുക്ക് പോസ്റ്റ‌ർ ഫേസ്ബുക്കിലൂടെയാണ് പുറത്തിറക്കിയത്. നിവിൻ പോളിയുടെ വ്യത്യസ്തമായ ലുക്കാണ് പോസ്റ്ററിൽ.

പതിവ് രീതിയിൽ നിന്നെല്ലാം മാറി ഇതൊരു ചോരക്കളിയാണെന്നാണ് റിപ്പോർട്ടുകൾ. മറ്റൊരു കമ്മട്ടിപ്പാടം ആണെന്ന് ആരാധകർ പറയുന്നു. ബോളിവുഡ് ഹിറ്റ് സംവിധായകൻ അനുരാഗ് കശ്യപും സംവിധായകനും ഗീതുവിന്റെ ഭർത്താവുമായ രാജീവ് രവിയും ഉൾപ്പെടെയുള്ള അണിയറപ്രവർത്തകരേയും പരിചയപ്പെടുത്തി ഗീതു തന്നെയാണ് പോസ്റ്റ്ർ പുറത്തിറക്കിയത്.

ഇറോസ് ഇന്‍റർനാഷണലിന്റെ ബാനറിലാണ് ചിത്രം ഇറങ്ങുന്നത്. രാജീവ് രവിയാണ് സിനിമയുടെ ഛായാഗ്രാഹകന്‍. അജിത് കുമാര്‍ എഡിറ്റിംഗ് നിര്‍വഹിക്കും. മികച്ച പിന്നണി പ്രവര്‍ത്തനത്തില്‍ പുറത്തിറങ്ങുന്ന ചിത്രത്തെ ഏറെ പ്രതീക്ഷയോടെയാണ് ആരാധകർ കാത്തിരിക്കുന്നത്.