രാമലീലയുടെ വിജയം ആവർത്തിക്കാൻ അരുൺ ഗോപി, നായകൻ - മോഹൻലാൽ!

രാമലീലയും പുലിമുരുകനും ഒന്നിക്കുമ്പോൾ ...

aparna| Last Modified ബുധന്‍, 22 നവം‌ബര്‍ 2017 (10:59 IST)
ജനപ്രിയ നടൻ ദിലീപിന് ഏറ്റവും വൻ വിജയം നൽകിയ 'രാമലീല'യുടെ സംവിധായകൻ അരുൺ ഗോപി തന്റെ രണ്ടാമത്തെ സിനിമയിലേക്ക് കടക്കുന്നു. മലയാളത്തിന്റെ സൂപ്പർതാരം മോഹൻലാൽ ആകും ചിത്രത്തിൽ നായകനായി എത്തുക.

തന്റെ രണ്ടാമത്തെ ചിത്രത്തെ കുറിച്ച് അരുൺ ഗോപി തന്നെയാണ് വെളിപ്പെടുത്തിയത്. രാമലീലയുടെ നിർമാതാവ് ടോമിച്ചൻ മുളകുപാടം തന്നെയാണ് ഇതിന്റേയും നിർമാതാവ്. മോഹൻലാൽ നായകനായ പുലിമുരുകന്റെ നിർമാതാവും ടോമിച്ചൻ മുളകുപാടം തന്നെയായിരുന്നു.

പുതിയ സിനിമയെ കുറിച്ച് അരുൺ ഗോപി വെളിപ്പെടുത്തൽ നടത്തിയെങ്കിലും നായകൻ ആരെന്ന് വ്യക്തമാക്കിയിട്ടില്ല. നായകനാകുന്ന താരത്തെക്കുറിച്ചുള്ള ചില പരാമർശങ്ങൾ മോഹൻലാലിനെ തന്നെയാണ് സൂചിപ്പിക്കുന്നതെന്നാണ് ആരാധകരും ഉറപ്പിച്ച് പറയുന്നത്. നേരത്തെ സിനിമയുമായി ബന്ധപ്പെട്ട് ടോമിച്ചൻ മുളകുപാടവും അരുൺ ഗോപിയും മോഹൻലാലിനെക്കണ്ട് ചർച്ച നടത്തിയിരുന്നു



ഇതിനെക്കുറിച്ച് കൂടുതല്‍ വായിക്കുക :