മമ്മൂട്ടിയുടെ കൂടെ നിന്ന് സെല്‍ഫി എടുക്കണമെന്ന ആഗ്രഹിക്കാത്ത ആരാധകരുണ്ടാകില്ല. യുവതാരം സഞ്ജു ശിവറാമും ഇതേ ആഗ്രഹുമായി താരത്തെ സമീപിച്ചു. ചോദിച്ചപ്പോൾ തന്നെ ‘യേസ്’ എന്നായിരുന്നു മെഗാസ്റ്റാറിന്റെ മറുപടി. എന്നാൽ, ഫോട്ടോക്ക് പോസ് ചെയ്ത മമ്മൂട്ടി ഒരു ചെറിയ പണി ഒപ്പിച്ചു.

സഞ്ജു സെല്‍ഫിയെടുക്കാന്‍ അനുവാദം ചോദിച്ചപ്പോള്‍ മമ്മൂട്ടി പോസ് ചെയ്തത് ഹെല്‍മറ്റ് ധരിച്ചാണ്. മമ്മൂട്ടി കറുത്ത ഹെല്‍മറ്റ് ധരിച്ച് നില്‍ക്കുന്ന സെല്‍ഫിയില്‍ സഞ്ജുവിനു പുറമെ ഗ്രിഗറിയും ഷഹീന്‍ സിദ്ധിഖും ഇടംപിടിച്ചിട്ടുണ്ട്. ഒരു സെല്‍ഫി ചോദിച്ചു, കിട്ടി തൃപ്തിയായിയെന്ന അടിക്കുറപ്പ് സഹിതം ഇതാരാണെന്ന് കണ്ടുപിടിക്കാമോയെന്നും സഞ്ജു ചോദിക്കുന്നുണ്ട്.

സഞ്ജുവിന്റെ പോസ്റ്റ് ഇതിനോടകം സോഷ്യൽ മീഡിയകളിൽ വൈറലായി കഴിഞ്ഞു. മമ്മൂട്ടി കേന്ദ്രകഥാപാത്രമായി വേഷമിടുന്ന കുട്ടനാടന്‍ ബ്ലോഗിന്റെ സൈറ്റിലാണ് സംഭവം.