മണിരത്നത്തിന്റെ വമ്പന്‍ പ്രൊജക്‍ടില്‍ നിന്നും ഫഹദ് പിന്മാറിയത് ഇക്കാരണങ്ങളാല്‍

മണിരത്നത്തിന്റെ വമ്പന്‍ പ്രൊജക്‍ടില്‍ നിന്നും ഫഹദ് പിന്മാറിയത് ഇക്കാരണങ്ങളാല്‍

  fahadh faasil , vijay sethupathi , simbu , mani ratnam , jyothika , ഫഹദ് ഫാസില്‍ , വേലൈക്കാരന്‍ , വിജയ് സേതുപതി, ചിമ്പു, ജ്യോതിക, അതിഥി റാവു ഹൈദരലി , മോഹന്‍ രാജ , മണിരത്നം
ചെന്നൈ| jibin| Last Updated: വെള്ളി, 2 ഫെബ്രുവരി 2018 (15:50 IST)
മലയാള സിനിമയിലെ മികച്ച നടന്മാരിലൊരാളാണ് ഫഹദ് ഫാസില്‍. അഭിനയ മികവിനൊപ്പം നല്ല ചിത്രങ്ങള്‍ തെരഞ്ഞെടുക്കുന്നതില്‍ അദ്ദേഹം കാണിക്കുന്ന ശ്രദ്ധയാണ് മറ്റു നടന്മാരില്‍ നിന്നും ഫഹദിനെ വ്യത്യസ്ഥനാക്കുന്നത്.

മോഹന്‍ രാജ സംവിധാനം ചെയ്‌ത വേലൈക്കാരനില്‍ ശൈവകാര്‍ത്തികയനൊപ്പം തിളക്കമാര്‍ന്ന വേഷമാണ് ഫഹദ് കൈകാര്യം ചെയ്‌തത്. ഇതോടെ തമിഴ്‌സിനിമാ ലോകത്തും ഫഹദിന്റെ സ്‌റ്റാര്‍ വാല്യൂ കുതിച്ചുയര്‍ന്നു.

എന്നാല്‍, മോളിവുഡിനെയും കോളിവുഡിനെയും ഞെട്ടിപ്പിച്ച റിപ്പോര്‍ട്ടുകളാണ് ഫഹദിനെ ചുറ്റിപ്പറ്റി ഇപ്പോള്‍ പുറത്തുവരുന്നത്. സൂപ്പര്‍ താരങ്ങളെ അണിനിരത്തി മണിരത്നം സംവിധാനം ചെയ്യാനൊരുങ്ങുന്ന ഒരു വമ്പന്‍ പ്രൊജക്‍ടില്‍ നിന്നും ഫഹദ് പിന്മാറിയെന്ന വാര്‍ത്തയാണ് ഇപ്പോള്‍ ചര്‍ച്ചയായിരിക്കുന്നത്.

പ്രതിഫലത്തെ സംബന്ധിച്ചുള്ള അഭിപ്രായ വ്യത്യാസമാണ് ഹഹദ് മണിരത്നം ഉപേക്ഷിക്കാന്‍ കാരണമെന്നാണ് തമിഴ്‌ മാധ്യമങ്ങള്‍ പറയുന്നത്. എന്നാല്‍, നിലവിലെ തിരക്കുകള്‍ മൂലമാണ് അദ്ദേഹം ചിത്രത്തില്‍ നിന്നും പിന്മാറിയതെന്ന റിപ്പോര്‍ട്ടുകളും പുറത്തുവരുന്നുണ്ട്. അതേസമയം, വിഷയത്തെക്കുറിച്ച് പ്രതികരക്കാന്‍ സിനിമയുടെ അണിയറ പ്രവര്‍ത്തകര്‍ തയ്യാറായിട്ടില്ല.

വിജയ് സേതുപതി, ചിമ്പു, ജ്യോതിക, അതിഥി റാവു ഹൈദരലി എന്നിവരാണ് ചിത്രത്തിലെ പ്രധാന താരങ്ങള്‍. എആര്‍ റഹ്‌മാര്‍ പശ്ചാത്തല സംഗീതം കൈകാര്യം ചെയ്യുന്ന ചിത്രത്തിന്റെ ക്യാമറ സന്തോഷ് ശിവനാണ്. അതേസമയം, ചിത്രത്തിന് ഇതുവരെ പേര് തീരുമാനിച്ചിട്ടില്ല. മണിരത്നം സംവിധാനം ചെയ്‌ത കാട്ര് വെളിയിടെയിലെ നായികയാണ് അതിഥി.


ഇതിനെക്കുറിച്ച് കൂടുതല്‍ വായിക്കുക :