വിവാഹം ചെയ്യണം, അല്ലെങ്കില്‍ പീഡിപ്പിച്ചതായി പരാതി നല്‍കും; ഭീഷണിപ്പെടുത്തിയ യുവതിക്കെതിരെ പരാതിയുമായി ഉണ്ണി മുകുന്ദന്‍

CASE, FEATURED, UNNI MUKUNDHAN , RAPE , POLICE , കേസ് , അറസ്റ്റ് , സിനിമ , ഉണ്ണി മുകുന്ദന്‍ , ഭീഷണി , പീഡനം
കൊച്ചി| സജിത്ത്| Last Updated: ചൊവ്വ, 12 ഡിസം‌ബര്‍ 2017 (15:18 IST)
ഭീഷണിപ്പെടുത്തി പണം തട്ടാന്‍ ശ്രമിച്ച യുവതിക്കെതിരെ പരാതിയുമായി നടന്‍ ഉണ്ണി മുകുന്ദന്‍. തിരക്കഥ വായിച്ച് കേള്‍പ്പിക്കാനെന്നു പറഞ്ഞാണ് യുവതി തന്റെ വീട്ടിലെത്തിയത്. എന്നാല്‍ തിരക്കഥ അപൂര്‍ണ്ണമായതിനാല്‍ ആ നിരസിച്ചെന്നും അതിനുള്ള പകയാണ് യുവതിയ്ക്ക് തന്നോടുള്ളതെന്നും പരാതിയില്‍ പറയുന്നു.

എന്നാല്‍ പിന്നീട്ടും യുവതി തന്നെ ഫോണില്‍ വിളിച്ചെന്നും അവര്‍ക്ക് സിനിമയില്‍ അഭിനയിക്കാന്‍ അവസരം നല്‍കണമെന്ന് ആവശ്യപ്പെട്ടതായും പരാ‍തിയിലുണ്ട്. അതിനു തയ്യാറായില്ലെങ്കില്‍ പീഡിപ്പിച്ചതായി പൊലീസില്‍ പരാതി നല്‍കുമെന്ന് അവര്‍ ഭീഷണിപ്പെടുത്തിയതായും ഉണ്ണി നല്‍കിയ പരാതിയില്‍ പറയുന്നു.

അതിനുശേഷം പെണ്‍കുട്ടിയുടെ അഭിഭാഷകനാണെന്ന് പരിചയപ്പെടുത്തി ഒരാള്‍ തന്നെ വിളിച്ചെന്നും ആ യുവതിയെ വിവാഹം ചെയ്യണമെന്നും അതിനു തയ്യാറല്ലെങ്കില്‍ 25 ലക്ഷം രൂപ നഷ്ടപരിഹാരം നല്‍കുണമെന്നും അയാള്‍ ഭീഷണിമുഴക്കിയെന്നും ഉണ്ണി മുകുന്ദന്‍ പറയുന്നു.


ഇതോടെയാണ് താരം പൊലീസില്‍ പരാതി നല്‍കിയത്. ഒറ്റപ്പാലം പൊലീസ് സ്റ്റേഷനില്‍ രജിസ്റ്റര്‍ ചെയ്തിരിക്കുന്ന ഈ കേസ് പിന്നീട് ചേരാനെല്ലൂര്‍ പൊലീസ് സ്റ്റേഷനിലേക്ക് മാറ്റി.




ഇതിനെക്കുറിച്ച് കൂടുതല്‍ വായിക്കുക :