ബാഹുബലി 2 വന്നു, ഇനി മലയാളത്തില്‍ രണ്ട് ബാഹുബലി - രണ്ടിലും മോഹന്‍ലാല്‍ !

ചൊവ്വ, 2 മെയ് 2017 (15:46 IST)

Mohanlal, Bahubali, Mahabharatham, Sabu Cyril, Randamoozham, Odiyan, മോഹന്‍ലാല്‍, ബാഹുബലി, മഹാഭാരതം, സാബു സിറിള്‍, രണ്ടാമൂഴം, ഒടിയന്‍

ബാഹുബലി 2 ലോകമാകെ തരംഗം തീര്‍ക്കുകയാണ്. ഇതുവരെ മൊത്തം 1000 കോടിയുടെ ബിസിനസ് നടന്നുവെന്നാണ് റിപ്പോര്‍ട്ട്. ഇന്ത്യന്‍ സിനിമയില്‍ ഇത്തരമൊരു അത്ഭുതം ഇതാദ്യമാണ്. എന്തായാലും ഇതിന്‍റെ തുടര്‍ച്ച ഉണ്ടാകാന്‍ പോകുന്നത് മലയാളത്തിലാണ്.
 
ബാഹുബലിയുടെ പ്രൊജക്ട് ഡിസൈനറായ സാബു സിറിള്‍ ഇനി ചെയ്യാന്‍ പോകുന്നത് രണ്ട് വമ്പന്‍ സിനിമകളാണ്. രണ്ടും മലയാളത്തിലാണ് എന്നുമാത്രമല്ല, രണ്ടിലും നായകന്‍ മോഹന്‍ലാലുമാണ്.
 
വി എ ശ്രീകുമാര്‍ മേനോന്‍ സംവിധാനം ചെയ്യുന്ന ഒടിയന്‍, മഹാഭാരതം എന്നിവയാണ് സാബു സിറിളിന്‍റെ അടുത്ത പ്രൊജക്ടുകള്‍. ഒടിയന് 50 കോടിയാണ് ബജറ്റെങ്കില്‍ മഹാഭാരതത്തിന് 1000 കോടിയാണ് ചെലവ്.
 
ഒടിയന്‍ ഒരു ഫാന്‍റസി ചിത്രമാണെങ്കില്‍ രണ്ടാമൂഴത്തെ അടിസ്ഥാനമാക്കിയാണ് മഹാഭാരതം ഒരുങ്ങുന്നത്. ബാഹുബലിയെക്കാള്‍ വലിയ ദൃശ്യവിസ്മയമാക്കി എങ്ങനെ മഹാഭാരതത്തെ മാറ്റാം എന്നതാണ് സാബു സിറിളിന്‍റെ മുമ്പിലുള്ള വെല്ലുവിളി.
 
അയ്യര്‍ ദി ഗ്രേറ്റ്, അമരം, അങ്കിള്‍ ബണ്‍, ധ്രുവം, അദ്വൈതം, മിന്നാരം, തേന്‍‌മാവിന്‍ കൊമ്പത്ത്, സൈന്യം, കാലാപാനി, ചന്ദ്രലേഖ തുടങ്ങിയ ഒട്ടേറെ മലയാളം ഹിറ്റുകളുടെ കലാസംവിധായകനായിരുന്നു സാബു സിറിള്‍. പിന്നീട് വിരാസത്, പുകാര്‍, ഹേ റാം, ഹേരാ ഫേരി, അശോക, ഹംഗാമ, യുവ, ഹല്‍ഛല്‍, ഗുരു, ഓം സാന്തി ഓം, രാ.വണ്‍, ക്രിഷ് 3, കന്നത്തില്‍ മുത്തമിട്ടാല്‍, ബോയ്സ്, അന്നിയന്‍, എന്തിരന്‍, കാഞ്ചിവരം, ലിങ്കാ തുടങ്ങിയ അന്യാഭാഷാ സിനിമകളിലൂടെ ഇന്ത്യയിലെ ഒന്നാം നമ്പര്‍ പ്രൊഡക്ഷന്‍ ഡിസൈനറായി സാബു സിറിള്‍ മാറി. ബാഹുബലി സീരീസിലൂടെ എതിരാളികളില്ലാത്ത വ്യക്തിത്വമായും സാബു സിറിള്‍ മാറി. 



ഇതിനെക്കുറിച്ച് കൂടുതല്‍ വായിക്കുക :  

സിനിമ

news

‘എന്റെ ഇടത് കണ്ണിനു മാത്രമേ കാഴ്ചയുള്ളൂ’; ഞെട്ടിക്കുന്ന വെളിപ്പെടുത്തലുമായി റാണ ദഗ്ഗുബാട്ടി

ബാഹുബലി എന്ന ചിത്രം കണ്ടവര്‍ക്കെല്ലാം വളരെ പ്രിയപ്പെട്ട താരമാണ് റാണാ ദഗ്ഗുപതി. ...

news

മമ്മൂട്ടിയും ഹരിഹരനും - വീരഗാഥകള്‍ കാത്ത് മലയാളം!

നാലുവര്‍ഷമാകുന്നു ഒരു ഹരിഹരന്‍ ചിത്രം മലയാള സിനിമാ പ്രേക്ഷകര്‍ക്ക് മുന്നില്‍ എത്തിയിട്ട്. ...

news

ബാഹുബലിക്ക് തകർക്കാൻ പറ്റാതെ പോയ ആ റെക്കോർഡ് ആരുടേത്?

ഇതുവരെയുള്ള ചരിത്രങ്ങൾ എല്ലാം തകർത്തെറിഞ്ഞുകൊണ്ടാണ് രാജമൗലിയുടെ ബാഹുബലി 2 മുന്നേറ്റം ...

news

ഷങ്കര്‍ സമ്മതിച്ചു, രാജമൌലി തന്നെ കിംഗ്!

ഇന്ത്യന്‍ സിനിമാലോകത്ത് കാലങ്ങളായി ഉയര്‍ന്നുകേള്‍ക്കുന്ന ഒരു സംശയവും അതിനെച്ചൊല്ലിയുള്ള ...