മെഗാസ്റ്റാര്‍ മമ്മൂട്ടിയെ അപമാനിച്ചുവെന്ന പേരില്‍ ആരാധകര്‍ സോഷ്യല്‍ മീഡിയകള്‍ വഴി നടി അന്ന രേഷ്മ രാജനെ അസഭ്യവര്‍ഷങ്ങള്‍ കൊണ്ട് മൂടിയിരുന്നു. സംഭവത്തില്‍ മമ്മൂട്ടി അന്നയെ നേരിട്ട് വിളിച്ചിരിക്കുകയാണ്. അന്ന തന്നെയാണ് ഇക്കാര്യം ഫേസ്ബുക്കിലൂടെ അറിയിച്ചത്.

മമ്മൂക്കയെ എങ്ങനെ വിളിക്കണമെന്ന് ഓര്‍ത്ത് വിഷമിച്ചിരിക്കുമ്പോഴാണ് മമ്മൂക്ക ഇങ്ങോട്ട് വിളിച്ചതെന്ന് ലിച്ചി പറയുന്നു. മമ്മൂക്ക സംസാരിച്ചപ്പോള്‍ എന്തെന്നില്ലാത്ത സന്തോഷം തോന്നിയെന്നും ഉടന്‍ തന്നെ മമ്മൂക്കയോടോപ്പം ഒരു ചിത്രം ചെയ്യാന്‍ കഴിയട്ടെ എന്നും നടി കുറിച്ചു. രണ്ടു ചിത്രങ്ങളില്‍ മാത്രം അഭിനയിച്ച എന്നെ വിളിച്ച് ആശ്വസിപ്പിക്കാന്‍ കാണിച്ച ആ വലിയ മനസ്സിനു നന്ദിയെന്ന് പറഞ്ഞാണ് കുറിപ്പ് അവസാനിക്കുന്നത്.