മുബൈ: മുംബൈയിൽ പത്രാധിപർ കൊലപ്പെട്ട സഭവത്തിൽ അതേ സ്ഥാനപനത്തിലെ ജൂനിയർ മാധ്യമ പ്രവർത്തകയെ പൊലീസ് പിടികൂടി. ഇന്ത്യൻ അൺബൌണ്ട് എന്ന മാധ്യമസ്ഥാപനത്തിന്റെ എഡിറ്ററായിരുന്ന നിത്യാനന്ദ് പാണ്ഡേയെ സഹപ്രവർത്തക കൊലപ്പെടുത്തുകയായിരുന്നു എന്ന് പൊലീസ് വ്യക്തമാക്കി.

ഭിവണ്ഡിയിലെ പാലത്തിനുതാഴെ നിത്യാനന്ദ് പാണ്ഡേയെ മരിച്ച നിലയിൽ കണ്ടെത്തുകയായിരുന്നു

തുടർന്ന് പൊലീസ് നടത്തിയ അന്വേഷണത്തിലാണ് പാണ്ഡേയുടെ അസിസ്റ്റന്റായിരുന്ന മാധ്യമപ്രവർത്തകയെ പിടികൂടിയത്. നിത്യാനന്ദ് പാണ്ഡേ തന്നെ കഴിഞ്ഞ രണ്ട് വർഷമായി ലൈംഗികമായി പീഡിപ്പിച്ചുവരികയായിരുന്നു എന്നും ഇത് സഹിക്കവയ്യതെയാണ് കൊലപാതകം നടത്തിയത് എന്നും യുവതി പൊലീസിൽ മൊഴി നൽകി. ഉപദ്രവിക്കരുതെന്ന് പല തവണ അപേക്ഷിച്ചിട്ടൂം ചൂഷണം അവസാനിപ്പിക്കാൻ പാണ്ഡേ തയ്യാറായില്ല എന്നും യുവതി പൊലീസിനോട് പറഞ്ഞു

സംഭവദിവസം ഒരു സ്ഥലം കാട്ടിത്തരാം എന്ന് പറഞ്ഞ് യുവതി നിത്യാനന്ദിനെ ഭിവണ്ഡിയിലെ പാലത്തിന് ചുവട്ടിൽ എത്തിക്കുകയായിരുനു. തുടർന്ന് വെള്ളത്തിൽ മയക്കുമരുന്ന് കലർത്തിനൽകി ബോധരഹിതനാക്കിയ ശേഷം സ്ഥാപനത്തിലെ പ്രസാദകന്റെ സഹായത്തോടെ കഴുത്ത് ഞെരിച്ച് കൊലപ്പെടുത്തുകയായിരുന്നു എന്ന് യുവതി പൊലീസിനോട് വെളിപ്പെടുത്തി.